3Y2M

話咁快妹妮又踏入3歲兩個月了！而家成日好proud咁同人講自己3歲架，有日去洗衣鋪，佢無啦啦對住個阿姐大叫‘我3歲呀！’。

不過卻又多了一個扮野位，成日er...er...er扮BB聲講野，又成日話自己係BB要人錫要人抱！

最近D對答好make sense，好似有一次我指住張佢細個時既相問點解相中個Aerin咁細個架？佢居然答 because mami so big!

有時我地會同佢講你第時大個就可以做某D野，有次見到佢著起D童裝細細件好cute，問佢可以借比媽咪著嗎？佢會話：

when you become smaller and smaller like me, 3 years old, you can wear it! -_-" 傻豬，我都想可以變番細個呀，不過佢又講得幾合情合理噃！

十二月十七日，不經不覺K1第一個學期又最後一日了，妹妮就好似幾適應新學校。經過一個學期返兩文三語班，而家妹妮可以全廣東話對話，但係國話同英文都無退步到，可以說好與幸呀！

last day of school，有聖誕＋十一，十二月份生日party。逢親生日party都唔駛著校服，於是妹妮著party dress，佢自己好鐘意條裙呀！一著起就話要show to mami and daddy。幫佢影相仲擺晒甫士，成隻燒鵝湖咁！

18號，妹妮choir 班26號有表演，要我地去北角個center做rehearsal。

去到原來得兩個九龍呢邊既代表咋，妹妮就成日戇居居企係度週圍望！點知原來今次rehearsal主要係排一隻九龍學生無學過既舞，妹妮企係度得個望字！

其實隻舞同首歌好正，如果妹妮有學過可以一齊跳就好喇。因為中途另一個九龍代表走左去喊，妹妮全程望住人地！！ 見D細路跳舞好得意呀。