十二月一日，正係我同爸B拍拖紀念日，又剛剛有好友結婚，就去飲順便興祝埋啦！是晚戰衣係早前去排隊逼返黎的Lanvin for H&M單膊裙，因為仍住好少會著one shoulder，見今晚場地夠照（四季酒店呀），就先著為快啦！！本來想襯同是H&M出品的Jimmy Choo 高踭鞋，不過著上腳真係勁高！！足有4寸或以上，行左幾步都係放棄，著對一樣係JC出品，舊年去英國時買的銀色鞋吧了。
爸B己先行一步到達開枱，佢一見到我就抺一額汗話好彩我無著得太浮誇。
好彩有D唔打牌既朋友到左，我地開始週圍影相！Phil Phil 今晚都有黎呀，開飯前姐姐揍佢返屋企，早知我都帶妹妮去啦！
離開麻雀房我地去同新人影相！
呢個佈置都幾上鏡呀，今日見到好多朋友，加上見到老友結婚，真係好戥佢地開心！
新人好忙我地自已狂影！
個大廳都係以紅色為主題
好耐無見既Irene同Alvin，出年應該到佢了，唔知Wylie會幾時呢？睇黎仲有兩餐飲呀！
入席了，D餐具都好modern呀，隻碟有喜字架
一大班舊朋友，又一機會比我地聚一聚
新人進場了，佢地今次都係即場註冊，主禮律師仲好識搞笑搞氣紛。Gordon大戶人家，台上致謝時多謝從多國飛黎飲既嘉賓，直程好似選華姐一樣，加拿大既代表，澳洲既代表。。。
呢一餐就興祝埋我同爸B拍拖週年了，如果今晚無得飲，都唔知仲會唔會興祝了，舊年都係一齊食個lunch就算喇。。。十三年了
見任同事三‘中花’
其實成晚我地都不斷影相，上菜之間我地都走出去froyer再影
終於比我地捉到新娘Debbie影相了！
爸B就捉到Gordon合照，Gordon，你大個仔喇，好努力做人！祝你新婚愉快，甜甜蜜蜜，白頭到老！！！
No comments:
Post a Comment