school picnic - 獅子會

十二月六日(星期一)妹妮學校去旅行呀! 終於等到有得去旅行了, 以前讀鬼佬學校一個月有一次旅行去, 而家雖然都叫'國際'學校, 但係好似一年先有一次旅行咋. 等到頸都長, 好似自己細個時一樣, 有旅行去前一晚開心到瞓唔著. 之前一晚都唔敢話比妹妮知, 費事佢真係瞓唔著呀.

今日自己搭車返學, 我地一早就到等學校開門. 因為學校有成廿班K1, 總共好似分左成4,5日去旅行呀, 我地呢班細B班係最後一批.

入班房擺低行裝就去wee wee先, 跟住佢自動波去洗手, 我諗妹妮鐘意去wee wee都係有得洗手玩水咋

開學時已見到班房入面有個時間表, 每日流程就係咁喇.

返到班房各自埋位拎玩具玩, 妹妮就玩串珠仔

當老師突然拍手, 拍...拍...拍拍拍, 所有同學仔就好快將具快手放番入膠兜, 然後好快推好櫈企好. 然後講完一輪good morning class之類, 外藉老師就在黑板寫上大細楷F, 跟住就抽樣逐個讀個'fa'音. 跟住大家就坐番係位...當時感覺都幾amazing架, 因為平時d細路成日都係十問九唔應, 但係剛剛的短短幾分鐘, 個個都表現得好有紀律, 好聽話呀! 即時覺得原來返學雖然好似玩玩下, 但係真係學到野噃!

今次旅行地點係7月先跟舊學校去過的獅子會自然教育徑, 不過今日妹妮懶有性格, 唔同同學仔玩! 有好幾個同學仔拖晒手仔, 叫妹妮一齊玩, 佢話 i don want. 老師話佢平時係班房都好合群, 可能今日有媽咪在場成日要痴住媽咪啦

行到去涼亭影合照, 本來妹妮坐第一排, 但又話要坐開去另一邊, 於是我'的'佢企去後排. 可能佢知影相, 全程右手豎起V字手勢, 不過似托腮多D!

個V字真係做得呼讉, 不過難得豎起左十幾幅相都無擺低!

成日要我拖住, 影佢相都話唔比, 推開相機.

成班鴨仔沿路行上山落山, 妹妮全程拖住自己行無要抱抱已經thank god了! 去到荷塘d荷花都謝晒dub晒頭了.

跟住入去貝殼館, 妹妮今日玩獨家村, 唔肯同同學仔一齊玩, 人地去邊佢都走開, 唔知做咩呢?

終於有d同學仔走埋黎, 不過都係交談一兩句咁

你睇, 雙手插袋扮cool潻呀, 同學仔nicole個媽咪叫佢地拖手影相

先至拖住手影下相咋

跟住野餐時間, 我地有大蓆比其他人一齊坐, Bosco媽咪煮左妹妮最鐘意既腸仔, 仲請妹妮食, 佢當然老實不客氣啦.

大食妹好鐘意食腸仔架

睇佢食完自己唔客氣再拮

再食

再拮, 就係咁都食左人四條腸仔了!!!

我地淨係帶左d麵包同提子乾, 於是叫妹妮去請同學仔食下提子啦

佢都肯周圍問同學仔, 不過只係隊埋人地度, 又唔出聲

今日把口撬都唔開

又唔願同朋友玩, 好moody呀

仲好似嬲埋我潻, 叫佢一齊影相都另歪臉, 想點呢? 老帥叫tidy up時佢仲扭計喊潻, 老師走埋去先肯講sorry, miss Becky 話留意到妹妮成日都要'want to be good', 否則就唔開心, 佢地講得無錯, 妹妮係追求完美的, 成日有d野擺得唔正都唔得! 解左個扣都會扣番再解過的. 不過一上車又ok無再moody了, 鍚番我, 撓晒手...當然係想搣我手踭啦!

miss Becky可能見佢咁moody, 妹妮今日難得擧手話要唱twinkle twinkle little star, 即刻比面叫佢出去唱, 不過你睇佢細聲過平時幾多!!