數牙仔

聖誕節就到，早幾日去買定聖誕禮物比小朋友，見到呢隻鹿仔，忍唔住都係買埋比妹妮

佢離遠見到已經猛話要隻green deer，比佢坐落去果然彈到嘭嘭聲！！所以叮囑佢夜晚唔玩得，點知第朝一早7點幾又想玩，我地又話太早唔好玩喇，嘈住樓下呀。。。佢答 ：its day time already。。。又係噃，尋晚話夜晚唔玩得啫，而家咪天光囉。

今日大日子呀，因為我地成家一齊去睇牙醫呀，仲係妹妮第一次去檢查牙仔！為免佢驚，一早就話定佢知會去見牙醫，就好似書入面Elmo一樣（話時話佢都一排無睇Elmo喇，而家大左多左好多人物，toy story，龍貓，米奇已經走入妹妮既世界了）

我地一早出門口，去飲個茶食個飽先。

整盅做怪

十點鐘，我地去等牙醫返工。呢個牙醫係舅父德的中學同學，佢雖然有自己診所，但係每日由新界搭公車去港島南返工，路情好遠呀。

於是我地到佢仲搭緊車未到

妹妮一D都無緊張，週圍走

醫生到喇！！因為3個一齊，我地讓爸B先洗牙，妹妮可以睇下洗牙係點，無咁驚嘛！妹妮好專心睇住爸B，又知道張櫈會降低。

爸B洗完就到妹妮，姑娘鋪好紙巾

跟住張櫈瞓低，佢都無驚

醫生話今次純綷檢查下，唔洗洗牙住。於是同妹妮數下牙仔。

開埋盞燈睇得清楚D

數完牙仔醫生話妹妮D牙好乾淨，可能係小食甜野，keep 住咁樣，出年就開始可以洗下牙喇！

同場加影妹妮腳底按摩，佢好鐘意幫我地擦cream架

幫媽me擦時仲好似按腳咁

幾pro?!