2011 下水禮 + playtown

時間真係過得快, 仲記得舊年呢個時侯, 妹妮已經好多野講, 我同yayaGigi同妹妮三個坐車時, 成日同妹妮講 when summer comes 我地可以食西瓜, 可以食雪條, 可以游水. 連當時已經識講野既妹妮都講埋一份, when summer comes, i want to xxx. 咁快又一年了, 而家未等summer comes, 我地都去游水了!!

呢日妹妮興之所至居然話想去溜冰, 不過爸b話下晝迫人又要等企鵝, 所以我地改去游水 妹妮一聽到游水就話okok, 仲一齊去搵泳衣潻!!

一見到套新泳衣, 妹妮不知幾興奮要著起, EE去美國時買既, 5Y size, 諗住未有耐著得落, 點知又ok.  當然我地猛落咀頭讚佢靚啦!

呢件浴袍妹妮未夠一歲時著到而家, 以前隻袖要摺兩摺, 而家唔駛摺都啱著了. 著足3年, 真係抵呀!!

2011正式下水了!! 睇下隻艇仔仲坐唔坐得落呢?

雖然仲坐得落, 不過又唔識平衡, 成日側埋一邊

仲反艇, 成個倒豎蔥插入水呀, 不過妹妮不單只無驚無喊, 好快扶起佢又抺下眼仔再玩過, 連濁親都無.

玩玩下有兩姊妹走黎同妹妮玩, 咪睇佢地係mix, d廣東話好流利架, 係百份百香港人. 妹妮後面個姐姐好鍚妹妮架, 妹妮一舊飯咁佢都主動要推住妹妮隻艇, 又抱住佢

又嘗試教妹妮游水潻!! 不過妹妮都係蛇gware一簇, 踢一陣水就縮沙了. 但係都學識左揀住個鼻用口噴水

 

回番帶睇, 今日都算節目豐富架, 一早我地去megabox 飲茶, 佢又話要去playtown玩 (以為唔駛錢?) 當然我地比佢去玩下d免費遊戲算了

呢度直情好似兒童樂園一樣, 勁好細路!

但係大家都好守趺序, 無爭先恐後

sir到成頭大汗都未夠喉

玩埋一字碼潻!!

下晝瞓飽食飽游埋水就到爸b同媽me食飯時侯了

妹妮離遠見到呢架車已經眼望望, 索性走埋去影相先, 幾有型!

見到豆腐人, 佢見下面有個牌又以為係d warning, 我地話可以影相, 佢先敢走埋去

我地做敢死隊繼續牚日本, 相信食市都唔會入輻射食物既. 妹妮勁鐘意食大大粒既三文魚籽, 佢叫做bubble, 鐘意佢係口入面爆破既感覺呱, 都可以撈到飯食架!

馬騮妹

吊住自己仲好引以為榮! -___-"

再倒數番星期六一早, 妹妮就話要去playtown, 佢呢排唔知點解成日提住要去playtown呢? 今日終於如願以償了

落波波池就開心到暈! 成日當泳池咁係d波度游水

執到個波幾開心?

又落去執番桶波先, 但係佢都知自己唔夠高應該接唔到噃~!

最近飛佛唔係sir滑梯而係玩槍射波波

今個星期總算一連滿足了兩個願望呀.