3歲半

三歲半啦!!! 妹妮大個女, 仲話自己4 years old 潻.

其實冬天開始, 一早起身飲完樽奶之後, yayaGigi都會再比麵包佢食, 最近開始食埋cereal. 舊年都試過比cereal佢食, 當時一d都唔肯試, 不過今年再試就話yummy. 而家日日再食多兜cereal先返學. 除左平時3餐奶, 2餐飯麵外+1餐cereal或麵包早餐外, 仲有返學snack time食下麵包或餅乾同有屋企餐下午茶...多數係食下生果, 有時返興趣班放學就加多碗豆腐花等. 咦, 原來計計下妹妮一日都食成7,8餐噃, 唔怪得咁大隻啦!

話說第一堂畫班放學時妹妮已經決定下次要畫老虎, 第二堂yayagigi話仲未畫好, 要今堂再畫. 送妹妮上堂途中佢已經知道今日去上畫班 (咁叻?) 仲話我知幅畫係粉紅底, 橙色老虎, 去到畫室老師摷番妹妮幅畫出黎.

真係同佢講既相同噃!! 不過唔係好似老虎囉...但係睇真d都勉強睇到係隻老虎既...老師話佢要求畫大眼架

一坐低就懶認真咁畫下畫下, 見佢將粉紅色上再油上藍色, 唔知想點呢?

一個鐘後傑作已經面世, 變左綠色底, 可能係老師幫手, 明顯見到線條, 似隻貓多d噃...

雖然妹妮細細個, 但係畫室都要佢自己簽名sign out架, 妹妮一聽到寫自己個名就鷄乸咁大隻寫個A字...老師要叫停喇, 簽埋下堂喇!!

返到屋企摷到以前玩blythe改裝公仔時買落的顏料, 又比佢發揮一下小宇宙.

點知佢後來畫左d音符出黎, 仲話我知d音符個名!! 休止符叫做 lazy bug, 佢話 when you see lazy bug, she's sleeping, we need to keep quite...原來返左咁耐音樂班, 係學到野噃!

blythe就未啱玩住, 但係都有d衫仔可以同佢d 'bb' 著既

仲細心到餵埋食潻呀

期待左好耐既星期六黎喇!!! 就係妹妮去上第一堂小提琴班呀!! 妹妮都好興奮呀

去上堂前我地去食左深水步豬膶米先

好喇, 到中心了, 妹妮拎住個小提琴樣真係成個大個女咁呀

我地係第一個到步架, 仲有個助教哥哥

老師都早到呀, 先交代比老師知妹妮一直都有上音樂班, 對音樂有小小認識.  妹妮係插斑生, 見未有其他同學, 老師先教下妹妮一d基本野先

單對單學左一陣, 妹妮好似都明白老師學咩, 照住做

原來揸住支stick 係用一個叫bite既手勢, 唔好成支揸住架.

其他同陸續到了, 好彩班上有位助教一邊紏正同學的手勢

我見到當老師一邊彈琴, 同學仔就一邊据鷄, 其實都係不斷拉幾個音, 不過見到連妹妮都識拉埋一份, 個刻真係好開心架. 哥哥今次主要傍住妹妮, 因為佢係新丁吖嘛! 放學時老師話妹妮好乖好專心, 唔似3歲幾, 仲話佢音樂底好, 有天份呀!

3歲半生日當天, 我地一早去到老遠食早餐, 順便睇下傢俬. 呢度有埋childrens' corner, 啱晒帶細路黎玩

仲大到可以推單車!! 我同爸b就嘆三文治同咖啡

妹妮自得其樂, 玩下電腦, 仲當係真既一樣潻!

又叫隻大馬騮做嗲d! 夜晚我地都有出街食飯慶祝呀, 不過居然唔記得帶相機!!