表妹生日會

8月13日

今日一早去食早餐，呢間餐廳妹妮未出世我地已經去，妹妮細細個時我地都成日帶佢去。個收銀阿姐可以話睇住佢大，不過近呢年都好小去，今日再去，阿姐門都話妹妮高左大左好多呀！而家妹妮差唔多可以食晒成份早餐了，平時我同佢share，但係佢食到大半份，起碼成條腸，大半碗通粉！好快要order一份比佢自己食了。

早餐後去圖書館再借書

覺豬兩個鐘（通常星期日我同佢一齊午睡佢都可以瞓到兩個鐘架，平時就多數一個鐘就醒）我地出發去生日會了！妹妮一聽到party就好開心，今日又無啦啦帶埋公仔出街

今日係表妹Ashley生日會呀，不過表妹而家一歲都未識同妹妮玩，都係同表弟玩好玩D。

表妹一歲生日，祝你快高長大！

人未齊，但係妹妮急不及待開餐先，一邊食一邊玩。

睇睇下覺得我地‘三個’個髮型原來都幾似呀！

大家都同主角影下相先

影完相梗係睇番啦，不過佢地好似睇相開心過影相噃！

飲飲食食一輪後，終於到小朋友最寄待既切蛋糕時刻了！！d 細路見到蛋糕就好開心，因為有得吹腊爉吖嘛。

表妹仲未識吹腊爉，開正妹妮同表弟個瓣，爭住幫佢一把，大力吹！！

返屋企時妹妮話隻公仔（叫做Pansy) 要同佢一齊扣好安全帶喎 -_-"