暑期活動

又到暑假，我地都有比妹妮繼續係學校返暑期班，不過自家學校既暑期班兩個星期就完！點夠妹妮消磨時間呢？舊年仲未上K1，仲係之前間學校返summer camp。不過我地都有join D 與趣班，其中一樣就係游水班。

正正係樓下上堂，勁方便！由6月14日第一堂到而家不知不覺返左兩個月，每星期兩堂，不過前一排成日黃色暴雨警告而要取消。

所以都無期望妹妮會由唔識學到識架，都係比佢玩下咋。不過三星期前都有進步到，佢已經夠膽呢個頭入水底閉氣。但係游水其間遇到幾個姐姐，佢地潛入水底同妹妮say hi，不過因為妹妮只可以一邊坐住一邊耷低頭潛塊面入水，所以氖只係見到泳池底見唔到同佢say hi 既姐姐囉

yayaGigi陪妹妮去上堂，都話妹妮係班中最大膽架，其他學生（全部都係3﹣5歲）有d會坐係度唔郁，有d仲會喊架。妹妮就成日走去教練而前showoff。事隔一個星期，今之爸B唔準佢帶水袖去泳池，仲戴埋泳帽好像真係要游水咁噃

做足熱身潻呀！妹妮呢個暑假晒黑左好多呀，個個見到佢都話佢成隻乳豬咁，佢聽得多都話自已係朱古力，冬天會變番soy milk咁話

原來今次落水係表現比我睇架，佢識唔用手袖潛水喇！！

爸B見佢可以潛到水，教佢郁埋雙手遊自由式潻！真係好surpise佢突然間識游水呀！！個video係一啖氣過，無唞氣架，因為仲未叻到可以真正咁邊游邊吸氣。但係唔駛用水袖都游到一陣已經係好大進步了！

除左游水班，我地開始每個星期去一次圖書館借書。以前yayaGigi一個星期都會帶妹妮去一次，不過就無圖書証借書，而家下晝多左活動要去，都無去圖書館一排了。

妹妮暫時都好鐘意睇書，每晚都要睇故仔書聽故事先肯上床瞓。。。不過遲d學校既書就唔知佢會唔會咁有興趣了