話說舅父係個讀書精，讀極都唔厭，最近又有新去向，就係向祖國出發！！ 去北京大學讀law！加埋之前UC Berkeley既computer science同finance degree，又加HKU LLB同PCLL，而家去埋北大，仲唔係強人？？？聽朋友講北大收生好嚴好難入，舅父被取錄，應該戥佢開心！ 希望舅父可以學以至用，做一個出色的律師。
於是我地約埋公公同佢farewell食飯，
妹妮豪氣本色，先飲為敬，佢其實係飲緊奶呀，因為戒左奶樽，yayaGigi連樽都掉埋，有時想帶個出街方便D都無。
本來叫妹妮畫幅畫比舅父，上面教佢寫住 I miss you，點知妹妮話舅父係chinese喎。。。點解要寫英文呀？
舅父8/23日已經北上了，星期日就約埋EE再同舅父德上京前食多餐飯， 順便去探下貓貓。妹妮好鐘意貓架，一去到就起勢摸。本來晏晝同EE去海灘潻呀，不過有紅潮被逼取消
咦，EE買左盤植物呀，原來係怕醜草呀！ 妹妮第一次摸怕醜草，一掂d草說縮埋，好好玩，原來呢盤係送比妹妮架，次次見到EE都有禮物又食又拎
妹妮問點解d 草會縮埋既？姨丈話因為棵草怕左妹妮，所以妹妮一掂就縮埋囉！妹妮又信，仲叫棵草做‘scary plant’
次次見親魚腸同EE都要人同佢玩飛飛，仲要事先聲明玩3次 ﹣＿﹣“
以前妹妮有d怕姨丈， 因為成日被佢整蠱，而家熟左就friend過打band
舅父德到了，行行下妹妮突然停低，原來佢想第一時間係自己手袋攞一早畫好既卡比舅父。
其實畫d野都九唔搭八無意思架，不過小小心意咁啦。
睇怕舅父呢排食farewell飯食得多，身形都暴漲埋。希望上到京會keep番fit 啦。
我地去食日式放題，任食個種，味道ok 啦，鐵板豆腐最正！
仲有紅豆涼粉都幾特別，妹妮都要收錢，好彩佢都食番自己個份！
妹妮全晚hyper active無停過！離開時又主動拖住平時無咩接觸既舅父，最搞笑係行行下中途姨丈收埋左妹妮個手袋仔，問佢咦你個手袋呢？ 妹妮開始驚唔見左，又諗起求先仲見架，於是差D想喊咁話 ： 不如我地返去睇下吖 叫我地返轉頭搵手袋仔
知道被整蠱即刻無晒擔心！不過知道佢咁緊張自己d野都好，好過佢話唔見左？唔緊要啦！
你睇，仲係拖住舅父德手架。
飯後去EE樓下新開既書店行下，突然聽唔到妹妮把聲，原來姨丈陪佢睇書喎！
仲講故事？唔怪得之妹妮靜晒啦
再返EE屋企同貓貓玩多一陣我地都返歸了，祝舅父係北京事事順利，快D搵到好工做打工皇帝！！
No comments:
Post a Comment