大白兔＠渣打嘉年華

11月13日維園有個渣打嘉年華，我地一早就去，因為要晨早先搵到位泊車。食小小早餐行去維園玩！



呢排鐘意玩韆鞦，呢種一個兜咁，夠晒安全感，妹妮都夠膽比我地推得高D

仲要用腳仔掂我隻手潻！

因為攤位10點先開，我地唯有去公園玩下，邊玩邊等啦。原來維園個公園都幾大架！

有得爬高爬低又有得sir滑梯

妹妮見到呢個即刻自己爬左上去坐喇，不過爸B媽咪都爭住要坐埋一份影相

呢D帳幕就係一個一個既攤位了，有好多唔同攤位，每個帳幕入面又有唔同既野玩架

我地去左一個自製兔耳仔既帳幕

要做小小手工，自己剪好耳仔，物料一早就有齊架喇

趁爸B同妹妮做手工媽咪睇下出面係點先，中間仲有個舞台有人表演架！

咦，都整得七七八八了，見到兔耳初形

Da Da, 大大隻兔仔耳整起了！！戴起又真係幾得意噃。附近大部份攤位都係整類似既飾物，都係剪剪貼貼咁

見到有face painting呀，於是我地走去排隊，仲可以揀番個兔仔樣襯番對大耳仔！

雖然十點幾鐘，但係開始覺得好熱喇！仲要排隊，好彩D姐姐都算快手，排15分鐘度就得了

妹妮乖乖坐低任姐姐‘舞’

咪得隻眼幾實！

有個紅鼻仔同紅臉珠

畫埋D鬚鬚就得喇

妹妮自己都好滿意呀，佢一直笑笑口照住鏡

媽me同小白兔

仲有愛麗斯呀

因為我地玩完都未夠11點，人潮先剛剛開始，好多一家大細見到妹妮都指住佢叫‘白兔仔’呀！妹妮索性見到人就話 'hello 我係大白兔呀！‘

因為時間關係加上開始熱，我地離開維園去搵EE飲茶了，妹妮仲話姨丈見到白兔能唔知佢就係妹妮潻！

EE樓下間龍皇酒家開左都未去過，今日book定位黎試下！

見到EE，影番張相先

呢間酒樓每張枱都有D𥦬簾，食物都幾好，始終比一般酒樓要貴嘛



妹妮真你好鐘意個粧呀，一路係車上都無停過照鏡！

連匙更都唔放過！

好喇，食飽飽去EE屋企再玩過！