秋季大旅行

11月2日，一年一度秋季大旅行呀！今次連妹妮都識期待呀，可能係老師間中又提下佢地，旅行前已經成日返黎講‘大棠荔枝園’架喇。有得去旅行勁開心呀！！今日爸B車我地去學校門口等，妹妮係車上見到一個男同學己經好開心咁想係車上面嗌佢。落車行到埋個同學度，個男仔都無同妹妮打招呼，妹妮又懶怕醜唔講野，同車上反應完全相反



最近聽到妹妮提起同學仔D名，咁佢係咪同你玩架？佢話唔係，跟住問佢邊個同你玩呀？佢就撲低唔出聲，追問下就話Ryan同佢玩，咁我問佢另外幾個上年同班既同學呢？妹妮都另晒頭噃，唔通真係無人同佢玩？但佢又好鐘意返學噃，一D都無抗拒。今日去到佢課室，見個個細路都係自己去攞玩眼具自己玩既。

不過Ryan又好似同妹妮friend D, 可能舊年都係坐埋一張枱啦。。。不過我有D覺得係妹妮大隻佢買妹妮怕咁



坐成個鐘車終於去到大棠喇！ 影左班相合照先，妹妮的確係最大舊架。。。



影完相玩個集體遊戲



要大家一齊搵老師搾住張紙上面既野，有石頭，T shirt，木頭，耳環等，要大人細路一齊搵



好快就搵晒了，你睇妹妮幾專心聽老師講野！



跟住就跟大隊去參觀下，呢間係蝴蝶標本館，仲有好多昆蟲標本睇架



沿途跟住大隊，妹妮都好開心，個個小朋友都係跟住自己媽咪，好小自己堆埋一堆行，見到呢個牌都會輪流去影相。



之前老師講過有得餵羊，原來有駝鳥潻



行前小小就有得餵山羊喇！入場時買了＄40/3張 coupon換糧，換左杯蘿蔔比妹妮先，佢已經急不及待去餵羊了



大膽妹一D都唔驚動物，佢兩歲時去東京媽媽牧場都已經好大膽走去摸D羊



地下仲有好多白兔架，而且唔係普普通通既白兔仔，係D好大隻又長毛既貴價兔呀。



妹妮開心到得番對月亮眼 n_n



但係兔仔咁細食又點食到咁多蘿蔔吖



你睇食剩幾多？！仲另歪面潻，於是妹妮執起地上面既蘿蔔放番入杯走去再餵羊



不過最後我地都再換多左兩杯蘿蔔，今次D羊真係飽晒了。



今日唯一合照呀，其實個個都顧住自己個件，都好小機會同其他家長交流呀



終於到snack time了，食完就自由活動！！



我地留係度餵埋魚先，奇怪妹妮每一次掉出去都要‘hai' 一聲，好似要好用力咁，睇佢個樣完全可以配番音架！


魚塘都有好多魚呀！



Ryan過黎搵妹妮玩呀，叫我地一齊坐牛車，大家拿拿聲餵晒D魚糧先啦



牛車仲未返，兩個細路走去跑獨木橋，開頭見條橋都郁郁地有D驚唔敢行，點知行唔夠一半已經開始跑了



兩個又真係幾friend噃！



妹妮來回跑左7，8次都有！！



牛車到喇！！



本來叫妹妮坐車頭架，不過佢又話驚驚要坐後坐



牛車開，成型家長好似狗仔隊追星一樣追住架牛車影相，場面都幾搞笑架

小朋友個個都好開心呀



D小朋友上到車成班一齊唱歌，好開心咁噃，我留意到妹妮通常都係睇住人玩已經覺得開心，自已又唔參與，好似小朋友唱歌佢都係坐係度笑，自己無唱架。



同另一同學仔打韆鞦，我地提及妹妮話無人同佢玩，但同學仔個媽咪都話佢個女都一樣咁講架。。。希望妹妮唔係無同學同佢玩啦



玩埋繩網差唔多夠鐘集合喇



愈黎愈大膽呀！！自己一個爬左入個繩網隧道，一D都唔駛幫手了



最勁係自己爬到成個大人咁高，真係好大膽呀！！我猛叫佢走喇，夠鐘集合喇。點知佢話 ：’叫人地個班之嘛，都唔係我地！‘ 跟住又話 ‘邊個都未走啦’ 聽到我真係反眼呀！！牙尖咀利懶巴閉咁！



回程坐旅行車時，前排有個男仔同後排有個女仔成日互相叫對方個名，妹妮見到插咀，個男仔居然話 ： 都唔係叫你！
而家D細路咁mean既？妹妮即時無癮，不過個男仔個爸爸都無出聲糾正個仔。於是我問妹妮個同學叫吽名，妹妮話唔話我知，然後叫我揞住耳，原來佢又叫個男仔喇，不過今次有傾偈，於是我拎D餅仔叫妹妮請同學仔食啦。原來呢個男仔就係今朝落車時見到但又無野講嗰個呀。我地唯有叫妹妮主動D叫同學仔同埋佢玩啦，可能佢返到學校真係太鵪𪂹喇！

不過呢D都唔會放係細路仔心中，佢不知幾enjoy今次旅行，猛話好好玩！仲成日要我playback D相比佢睇，每次見我用電腦搞相就話 ：我想睇大棠荔枝園呀！仲話要再去潻。