悠閒在家

呢幾日天聞台話會降至18C，即刻拿拿聲摷番D保暖衣物出來。舊年妹妮同Yaya去永安行街時自已揀左對拖鞋，今年搵番出黎都仲啱著，正！



妹妮好鐘意讀書架，佢學識好多中文字了，有時會自己拎住本書睇，試下自己讀，當然有好多字都未識，不過都手指指咁，篤住每粒字，跟住我讀。

有D買左好耐 Agnes b coupon未用但又夠期，呢日去換晒唔同既野黎食

見到咁colorful既macaron梗係流口水啦



但係妹妮對macaron興趣麻麻，除左一拎起即刻散晒外，仲因為佢唔鐘意入面D餡太濕

有日去屋企附近個公園玩

而家玩tum tum 團要‘快D 快D’ ﹣＿＿﹣“ 仲識係郁緊既tum tum 團跳落黎

由一柱爬去另一柱已經無難度了！

直情蜘蛛俠一樣咁快手快腳

近排鐘意玩韆鞦

仲要我地大力D，但係推得太大力佢又驚驚

哈哈，呢埋係石頭後面然後彈出來surprise我！

學左好耐都未識控制架skate bike，叫佢踏兩下等架車自己扇向前但係妹妮都不斷一下一下踏。。。

佢自己都一邊玩一邊伸晒脷咁

返到樓下比妹妮拉左入playroom玩，今日playroom一個人都無呀，妹妮將playroom入面個直士多房執得乾乾淨淨，將D玩具排好晒



原來係開鋪呀！！



老闆等生意呀！



玩左一陣就走出黎，而家妹妮再坐上隻bounching Rody都開始坐唔落了，佢一坐上去隻Rody就好似溜晒氣咁，連妹妮自己都話隻Rody無氣呀。。。陰功豬。



我地又返去‘鋪頭’，老闆話買野可以免費幫佢影相，點知又會擺埋甫士，搞笑！



做收銀都有紋文有路，而家D細路真係想像力＋模仿力超強呀！！



做到攰，收鋪了！攤一攤先！