weekend hea完再hea

四月一開波就有悠長假期，放到個人都唔願做野，本來妹妮仲有成個星期假，可惜媽me要出trip離港3日陪唔到妹妮！星期六，日再出動。



呢，呢件外套就係妹妮最愛，因為有晒多種顏色，又夠鮮艷，佢成日去街都話要著呢件架



一早我地又去食早餐



玩下自拍



好耐無去圖書館，於是又去借下書，妹妮好鐘意睇書。。。其實係聽故仔，一日到黑都要你講故事



今次借左成8本書，有排講！



星期日，妹妮又話要食花花腸仔。但係之前講過星期日唔開門噃，妹妮話去睇下先啦，可能開呢



梗係開啦，不過上次呃佢之嘛



今次叫左一個餐比妹妮，以前我地通常叫兩個餐3個人分架，但係佢都食得七七八八，差唔多食得晒！



下晝無咩做去公園踩下單車，做足準備架，戴晒眼鏡架！



而家踩得好小小了，以前成日向後踩腳踏，踩極都唔去！



呢日都幾熱呀，妹妮同爸B叫我一齊跑，但係真係咪搞我！我話我係負責影相架。



頭仔都濕晒喇



又迫我踩佢架單車，不過每次踩都好驚會重得滯坐爛佢呀



玩完一輪返屋企沖個涼休息下，但你知妹妮係唔會停低架啦，佢走去煮飯仔



好認真架，煮比我地食！



黃昏我地行去食晚飯



因為爸B見到facebook有朋友pose左個印尼炒飯，佢見到相已經話好想食，於是我地去左食馬來亞餐，印尼炒飯。。。不過同朋友幅相果個差好遠呀！



妹妮都未食過印尼炒飯。。。但係平時我都唔會主動叫呢個炒飯就真



除左炒飯仲叫左沙嗲



我就食鐵板牛扒，爸B就食咖哩雞



雖然叫到成枱都係食物，但係居然唔駛＄200！！超抵食！！