happy mother's day 之等了又等 ＋ 大埔火車博物館

今年mother's day終於有得放假了！！ 以前間公司每逢母親節同父親節都要搞event，等你無得放假！而家叫做甩難了。今日約埋EE去街，一早搵左EE同姨丈去翠華食早餐



點知食食下出面突然晴天霹靂，落大雨！點算好？破壞晒我地既計劃呀！！

不過我地打算第一站去探太婆，所以照去。EE尋日去學整熊貓麵包，好成功呀！！切左三塊比妹妮食，啱啱依完早餐本來又話包點知居然話要食仲自己食晒成塊。



佢食時係搣下搣下咁食耳仔，食眼先架。之後果日佢帶番學校食，仲比同學仔睇下佢塊包幾靚，同學叫佢唔好食塊臉喎！



見老人院門口D花開得咁靚影張相，點知個甫士仲靚！

太婆而家長期都瞓覺狀態，叫佢都可能唔認得我地架喇。不過妹妮都會唱下歌比佢聽，叫下太婆個名咁。



見個天光番我地出發去大埔火車博物館。對上一次黎都十幾廿年了！！仲記得係中一，二同媽咪黎架。以前媽咪好鐘意帶我地周圍去，搭車又轉車去好多唔同地方行下食下，又會參加下業主會既即日旅行，真係令我地無咁悶之除都見多左野。我都會一樣帶妹妮周圍去，等佢explore多D。



呢日大埔好多車，無錶位又無停車場，爸B放低我地自己等位。我地影下相覺啦



妹妮第一次踏上路軌咋，對佢黎講應該幾特別呱？



影左一輪相我去搵爸B，點知即刻搵到錶位喇，正！！



其實呢度得幾個車卡有野睇，不過影下相又幾靚噃。



好懷舊既車相呀，妹妮猛話係一百年前架！



呢日其實唔算好熱，但係我地都猛流汗呀

大家一齊扮型擺甫士，妹妮都識架！



再上卡新d既車卡，呢架明顯近代D架，不過車卡入面都無冷氣，都係得風扇咋



係火車卡影相好那些年feel呀！





妹妮熱到成頭都濕晒了



不過細路仔一D都唔怕熱架，妹妮仲好有精力擺甫士



當路軌係獨木橋咁行！



臨走再影多一陣相啦，都唔知下次幾時會再黎了。



因為太熱了，跟住我地仲去左茶餐廳飲野先出返市區。下晝約左嫲嫲一家飲茶，我地仲有時間返屋企快快換過晒D臭衫先。



下晝去美麗華飲茶，呢日全個尖沙咀中都塞爆車，所有停車場都迫爆無位泊，兜左成個鐘反而泊到個錶位！終於有得開餐了，妹妮一見到媽me泊完車上茶樓又即刻嗲精上身又要攬又要抱，可能玩左成朝好攰了

雙眼仔比豆豉更細了



無啦啦又錫錫媽me，返到屋企睇相先見到原來我地兩個件衫砌左隻長頸鹿出黎呀！

妹妮好鐘意同媽me捽鼻， 妹妮話好似我地兩隻貓大肥同小肥捽鼻打招呼，所以叫呢個動作做cat cat。佢一叫cat cat，即係要同佢捽鼻，係媽me同妹妮既秘密呀。



個傻妹又自在地表演跳舞，後面表弟其實都有份一齊跳，不過就各有各自己扭來扭去



妹妮最鐘意既’飛飛‘，真係唔係好多人有精力同佢玩得到，上星期同妹妮睇醫生時磅過原來佢已經45磅了！



人地表弟影家庭相又走埋去阻住晒，仲要懶sweet咁擺晒甫士！



到我地喇！


三叔一個抱三個，有無咁大力呀？



都係分番一人抱一個安全d



妹妮影呢張相時，話自己條腰好直，坐得好好咁喎。



同妹妮二人合照



我地飲到成4點幾先離開茶樓呀



臨走再同大伯Michael影下相



返到屋企休息一陣我地又出發喇，因為呢日母親節，如果晏小小可能連食都無得食架！



去到Elements已經見間間餐廳門口都有大堆人等位，本來可以食西餐，點知妹妮堅持要食壽司，於是叫外賣拎返屋企食，但係一樣要等半個鐘先做好order!!



無野做又影下相，妹妮成日搞我戴住係頸既戒子，於是我話中間銀色有鑽石就係Aerin，兩邊金色同玫瑰金就係爸B同媽me了。妹妮真係信到十足十，仲即刻穿落自己手仔



爸B影既，都幾‘靚’女吖！



其實佢都同貓仔一樣，成日要撲住係你身上



真係等足半個鐘個外賣先做起！拿拿聲返屋企開餐了，等左成日，開始肚餓了