畢家索藝術珍品展

上星期六（5/19日)，我地帶妹妮去感受一下藝術氣紛,  一早起身就出發去沙田歷史‘秘物館’（妹妮以為博物館叫做秘物館呀）

有D晒，連McAerin都嫌晒呀！！戴番對眼先。



我地本來想plan得好好，諗住博物館開門前行去鄰近既茶樓飲茶，點知茶樓勁多人，我地只好去食茶餐廳



未到十點我地就行到返博物館了！



嘩！無諗過要排隊架



好彩博物館一開門就好暢通入到去



條隊行得好快，唔駛晒！



趁未入到去我地又發作猛影相啦！



入到場先知原來今日係第一日開始展覽呀，而且門票係要上網買之除亦爆滿了。於是工作人員叫我地申請family pass，一年＄200可以任睇香港7間博物館。一場黎到都係想睇展覽，而且又慳返今次入場費，於是即場申請啦。



等入場之際



有兩位話係東方日報記者訪問我地呀！主要問下點解會黎參觀，對今次安排有咩感受咁，仲幫我同妹妮影左幅相呀...弊，無化𤕸架，希望唔會登啦。



入到展覽館就好嚴緊要收好相機，唔準影相呀。其實媽me同爸B 2009年去巴黎之旅都有參觀過畢家索藝術館架，不過今次睇既都唔係張張有印象睇過了，只係認得幾張咋。



同埋叫妹妮睇下大畫家既傑作啦，因為妹妮好鐘意畫畫架。雖然佢唔係好睇得明，但係有D畫都可以講到邊到係眼，邊到係人樣。



離開時經過另一個館有香港歷史展覽，順便睇埋啦。有D老香港舊漁船呀



有影片介紹下香港以前係漁港時，漁民捕漁既片段，點樣生活。



之後另一邊仲正，係大戲呀！！ 妹妮唔知點解好鐘意大戲架，佢叫做Chinese opera，佢好鐘意大戲D衫，每次見到粤劇照都會指住叫：Chinese opera呀！



仲有好多戲班同服裝既展品呀



睇大戲點小得呢個大花牌？

睇完展覽我地又遇番之前兩個記者呀，妹妮好大膽問姐姐會幾時登上報架？姐姐話可能聽日啦，但係第二日睇既報道，都係著重講下D市民如何買唔到飛有幾鼓燥咋。