妹妮家居照

平時都成日同妹妮影相架，因為雖然成日都覺得呢一刻眼前既佢無細個時咁得意，但係睇番以前D相都總覺得細個小小既佢好可愛。半年前覺得一年前既佢好得意，但係而家已經覺得半年前個樣好細個好得意，所以半年後應該會覺得而家既佢好cute。於是keep住令我地想繼續影低每階段既妹妮。



你睇佢幾‘長’！！已經有大半個媽me咁長了！！！



呢排成日話要打電話比爸B，仲記得電話號碼自己㩒電話架。



好鐘意呢條legging呀，除左有褲袋之外係著起影得雙腳好修長，恨不得有一條自己著呀！！！！



睇下係咪你都覺得佢好似好大個咁呢？？其實啱啱4歲半之嘛！



但係成個6，7歲咁！



暗啞底都係一個大BB黎既，成日扮BB聲講野架，連自己都想繼續做BB。。。唔知係咪聽到我地成日話佢BB時得意好多呢？



最近買左兩套睡衣比妹妮，已經買6歲，7歲碼，點知都係啱啱好，希望可以著埋出年啦



每晚都有bedtime story架，聽完先肯上床覺豬架！



另一套，媽me都好鐘意Paul Frank架，最衰無啱我著咋！



妹妮都好鐘意D馬騮呀



佢精力無窮，就算上到床都仲可以成日牚起雙腳，比著係我都覺得腳攰，但係妹妮係唔會攰架。



上到床仲要搞一輪又錫又I love you先肯安安靜靜瞓架。