check牙仔

一年一度全家洗牙日已經delay左成半年了！上次去洗牙仲記得係聖誕節左近。不經不覺又係時候去做下check up，我地大人都唔會點蛀牙，係妹妮就要check得緊D。又黎飲個茶食個包先



妹妮舊年經驗係一D都唔驚既，因為一早睇晒Elmo書知道去牙醫檢查係好正常既。上次就由爸B示範先，妹妮睇完知道唔係好恐佈啫，今次就自己一馬當先，一坐低妹妮已經好定，好開心坐上張櫈

仲自動自覺擘大個口！

睇佢眼神‘哨’住醫生，係咪真係唔驚架？

有爸B媽me係則邊打氣加油就梗係唔驚啦！醫生同佢數下牙仔先，妹妮D牙好健康，一隻蛀牙都無！係因為平時刷牙唔夠耐，有D潰，牙醫話每次刷牙刷兩分鐘就乾淨架喇

有晒電刷同吸水個泵，妹妮都無驚，好快洗完！

又好似乾淨左噃，不過牙醫話妹妮D牙仔生得好密，怕第時換大牙時會好迫。希望唔好好似媽me咁，D牙大隻得滯唔夠位生，搞到參差不齊啦

之後妹妮留係醫生房睇埋媽me同爸B洗牙，牙醫又好心機教妹妮點刷牙先啱

睇佢，當自己棚牙一樣！

刷埋塊面 ﹣＿＿﹣

下晝返屋企換衫去上泳班，又做媽me既小model

去到遇到同班同學仔kayla，兩個friend過打band! 不過Kayla已經上高一班了

妹妮話而家學緊蛙式，但明明上堂見佢游自由式噃。問佢蛙式係點架？佢返到屋企又真係可以係床上游個蛙式動作出黎噃

兩個老友鬼鬼，但平時聽妹妮講，佢係學校都係群埋幾個男仔玩多。問Kayla佢同邊個玩多呀？佢答既都係同一堆男仔，即係大家都無一齊玩啦。

最搞笑係沖緊涼都要嗌住對方要等埋大家，有無咁friend呀？？？

兩個猛叫媽咪幫佢地影相！

跟住仲有行程呀！

嫲嫲買左兩打遮，妹妮揀左一把，妹妮好鐘意擔遮架，不過以前買落果D其實都無用過，因為太細個了，而家可能用得到喇