Darren's 1歲生日會

6月30日，妹妮又有節目，係朋友仔生日會呀！yayaGigi忙於幫妹妮set頭，佢就自顧自化粧



仲要化得好陶醉先嚇人！！



我地居然係第一個家庭到達呀！壽星仔Darren得一歲大，所以未識同妹妮玩架。不過妹妮就畫左幅畫送比Darren，仲要係佢地兩個坐係太空船入面架。



襯未有其他嘉賓，我地撩下壽星玩先。初初Darren都驚到喊，不過好快比兩筒薯條引誘到



餵食妹就梗係食左先啦！



同Darren 及Daddy影下相



朋友仔Ellie到了



開始有人到，順便開始開餐了，因為party係12：30開始，可以當午飯食埋呀。



妹妮一早自己擸左個氣球，仲要綁住係自己條腰，一定走唔甩啦！



康然都到埋了，其實成個party我地剩係識主角同埋兩個朋友仔咋



不過妹妮又好識自己作樂，好似唔覺悶噃，又同唔識既小朋友，同EE，Uncle傾下偈咁

求先同枱食飯既姐姐，一齊擺甫士影相



都唔明妹妮點解可以拗得咁緊要既？？



都係搵番康然再玩過



蛋糕出場了！我自己好鐘意呢D糖膠蛋糕，因為D做型好靚



Darren可能仲未識欣賞呀！我記得妹妮一歲生日，我地都無買蛋糕，係去迪士尼酒店過夜時爸B係酒店訂左個cheesecake咋。



妹妮一直對個蛋糕虎視瞻瞻。



主角都未切蛋糕，但係妹妮已烏個身埋去了



但係都要Darren冷靜番，唱下生日歌先切得架嘛



再影埋大合照先，攝石人妹妮攬埋康然霸頭位影相！



影完相，我地嗱嗱聲食埋蛋糕就要走人了，因為星期六仲有第二場去呀。。。



就係學游水了！今日係呢季最後一堂

妹妮玩得好開心！



同學仔Kayla都係同一時間上堂，但係唔同班。不過兩個妹仔每次都會等埋大家一齊去沖涼，一齊吹頭！



妹妮話：不如再影核突相吖！ 其實D甫士係騎呢D，不過都唔係好核突啫



叫佢地擺個smart pose，好明顯Kayla擺得神氣好多！！