勁舞dancing queen

 妹妮自拍，睇住iphone個畫面，所以唔知雙眼要望住鏡頭架！



星期日同妹妮一齊覺豬豬，妹妮醒左時比番張相佢睇，佢話一定係媽me影既。我話瞓著左點影呀？佢即刻拎住手機咪埋眼自拍！



好耐無幫妹妮影過浴照，呢日見有咁多bubble，就影下啦。我提佢D bubble要遮住心口，因為女仔唔可以打出個心口架！



佢即刻開多D水，話：多D水咪遮到心口囉！！



去接佢放興趣班，行到班房門口真係下巴都跌落地，睇下佢對鞋！名符其實東一隻西一隻，正一嗱渣王。



6月最尾個星期五係學校既雙生日月party，學生唔駛著校服，摷左條tutu出黎。 呢條tutu係妹妮4歲生日時買架，只係生日著過，而家有party去順便著下



傻豬自己戴埋晒皇冠，頸鍊。



最難頂係佢不其然自己又唱又跳danning queen!



睇相都feel到有幾勁舞！



D 相係yayaGigi影架，返到屋企睇到D相真係覺得好難頂呀！！