雜記

每朝起身，妹妮都會鬼鬼鼠鼠（以為我地唔知）去書房攞紙畫畫。佢日日都會畫，仲可以畫到好多幅架。呢幅係我地同埋yaya一齊坐潛延，又畫得幾得意噃！



通常妹妮畫入面既女仔都係佢自己，而且會畫得比其他角色靚D  呢張就畫自己放狗，隻狗仔係貼紙黎架。後面個人原來係平時畫班放學時經過賣爆谷架車呀！仲有滑梯潻，前面架車仔又裝住禮物。



呢幅同上面係同一日畫架，兩個男仔有問號原來係問緊個女仔係度做咩喎。我就覺得個放狗情節幾得意，因為我地都無狗，唔知靈感係咪來自朝早望出街見人放狗呢？



遲來的父親節禮物，本來妹妮係學校做左條領𧘹，不過父親節當日妹妮話：Ms Tong又話條領𧘹擺左入書包既，但係書包都無既？ 原來整左條𧘹但係又唔見左。妹妮都係一隻大頭蝦，連老師都叫佢做‘矇矇’，就知佢又幾懞了！呢張係畫班畫架，不過見到其他同學仔畫既都係淨係畫daddy，得妹妮畫埋自己入去。

妹妮真係好鐘意畫畫，日日都要畫幾幅，呢幅就係佢當日既自畫象，連裙同鞋都一樣！仲特別話呢對係’高踭鞋‘ 潻

呢日佢就係呢個做型喇，擯辮，裙同高踭鞋 


呢對舊年既涼鞋，今年攞出黎一著，D腳指突晒出黎！妹妮唔知係自己隻腳大左，猛問點解咁樣既？



妹妮一向都係幫襯yaya's salon， 之前有本故事書提及兩父子去salon剪髮，坐低洗完頭先剪髮。妹妮睇完故事後就話yaya's salon係剪完髮先洗頭既？笑屎人！ 以前都係坐係浴缸入面剪架，最近買左個剪髮兜，可以兜住D頭髮，係廳剪都得啦



因為妹妮成日話要留長頭髮，yaya又成日恨幫佢扎頭，所以想剪短髮都好難了。。。個貪靚妹而家仲識攞佢自己個玩具化粧品黎make up潻！



見佢用手指仔篤下篤下咁掃眼影，真係好搞笑呀！！


新鮮出爐既腸仔包！而家唔駛我整了，因為yaya已經識用部麵包機，佢比我更有興趣整包包呀！！




每次換床單，妹妮都會幫手執好自己D公仔架，將佢地埋得好整齊



無啦啦做咩開遮呢？



原來睇完本cubby house, 想學人又整一間cubby house 



仲要笠多張被？？



佢真係冚多張被上面！



睇佢幾自得其樂？原來係自己個cubby house 入面睇書呀！