同學仔生日會

去完大浪灣返屋企休息左成個下晝，我地又出發去同學仔Rio個生日party! Party係正黃昏開，我地當晚飯食埋。



妹妮又畫左幅畫送比Rio，不過壽星仔好似有D怕醜咁既？



終於肯拖下手合照，其實呢個年紀，都無分男女，見佢地D同學仔成日都會拖住手玩架。相信過多一，兩年，去到小學就唔會好似而家咁純真，男仔有男仔，女 仔有女仔分開玩了



妹妮送禮物同幅畫比Rio, 希望Rio鐘意啦


細路仔最鐘意既遊戲時間開始了，要分兩個一組



妹妮同Ryan即時組埋一組



後來有另個女仔突然大喊退出，企係妹妮隔離個女仔變左單丁，便加入左妹妮果組變左3人組



跟姐姐指示，大家一齊鼻貼鼻，3個人係難D架喇



pat pat 對pat pat



耳對耳，但係妹妮掛住同個女仔貼耳，懶底左Ryan呀。



可能妹妮高得滯，掉個位又好似好D。



大家都玩得好開心呀



第二個環節係姐姐叫小朋友去家長度攞物件，一聽到指令個個飛奔去daddy mami度



妹妮另一同學仔，成日攞妹妮D戰利品去交差，但係妹妮又大方奉上，不過無所謂啦，都係玩下啫



好快就切蛋糕時間了，D細路仔一鍋鋒走晒埋個蛋糕度



係Sponge bob 呀，個蛋糕好靚呀



齊唱生日歌！！Happy birthday Rio!!



壽星仔同daddy mommy合照先



到小朋友同壽星仔影相喇，大家好開心咁呀


直情開心到跳起？



嘩，妹妮做咩咁熱情呀？



成班朋友仔幾happy！



妹妮仲擸左個八瓜魚波波



壽星仔埋黎同我地影下相先，雖然妹妮細D，但係好似大隻過壽星仔好多咁呀



好快party完了，大家捧住氣球走人。妹妮同Ryan又好似孖公仔咁。



拖住走，真係好似好好朋友咁呀！



好鐘意呢D手拖手，但係係單純既友誼，無怕醜，無腼腆，無瞹昧。真係唔捨得佢地咁快大呀！！