聖誕樹出籠之手繪聖誕波波

話咁快又到聖誕！我地係yaya返黎（11月中）就急不及待要拎棵聖誕樹出黎了！！妹妮以前對呢棵樹都無咩感覺，可能仲細個，只係見到會開心。今年大個D，聽到要佈置聖誕樹就成個人都好興奮咁，成日問住幾時可以佈置棵樹



我地屋企每年都擺聖誕樹架，有氣紛D嘛，妹妮今年好幫手呀！我地都係攞番D陳年掛飾出黎用

妹妮好有主見，叫我將D燈圍好先到佢去掛飾

成棵樹都係妹妮掛架，叫佢要平均D放，唔好集中掛晒係一邊先靚架嘛！

點知佢掛得有癮，掛好後仲將D掛飾改來改去。之後幾日都不斷將D掛飾改來改去，換晒位！

七七八八了，都算掛得幾靚！

有日行街見到D聖誕掛飾好靚呀，好想換走屋企淨色果D。我地有好多淨色波波好耐之前買落了，都番用左好多年。突然忽發奇想，不如係D波波上畫圖，咪唔駛嘥又有得玩囉！ 

於是去買埋閃粉，膠水，珪筆（貪佢夠幼！）返屋企。妹妮見到我買晒材料唔駛問都知好興𡚒！

仲買左立體聖誕咭比妹妮送比同學仔，順便參考下聖誕圖案畫上波波上。

妹妮本身鐘意畫畫， 而家畫波波係難小小，但係畫錯都無所謂，我地用廣告彩試下先，畫錯可以用水洗嘛！

妹妮畫得好投入呀，但係佢始終手仔難控制畫D好細微既野，於是佢大筆大筆的畫了大粒星星同心心！

爸B都比妹妮叫過黎睇下佢畫既波波有幾靚

呢日表妹都係度，幫手畫下。其實我地有成7，8個呢D淨色波波架，可以有排玩！

妹妮見到媽me畫左聖誕樹，雪人都話媽me畫得靚，即時話要同佢交換。呢粒綠色大星星咪就係妹妮畫架囉！

加左閃粉，又真係靚好多噃！！妹妮一起身發現媽me加左閃粉，即時大叫：又話等埋人地先加閃粉既！咁快就加左。
媽me解釋話係想比個樣版佢睇下嘛，妹妮即時將個波波具為己有！

可惜未有時間陪妹妮整埋就要飛上海出差，未能影埋妹妮畫個D大星星，整好後再post 啦！