♡Little Aerin & Eunice♡ : 聖誕遊LA Day4 Disneyland

Christmas eve 呢日set 到晒頭去邊呀？咪係迪士尼囉！！！

呢日其實仲約左d三蕃市住既朋友係迪士尼見面呀！本來今次去美國都想抽時間去下三蕃市，以前公公個好友仲係度時我地多數都會去埋SF。但近年一來呢位好友生了小朋友唔會再得閒飛來香港，二來公公個好友又幾年前仙遊了，所以今次公公都話去SF已經無意思了。好彩而家FB流行，朋友見我係FB post左已到埗既post，咁繞佢呢個星期都落黎LA玩呀，一於約定見面啦！！其實到LA前都想去SF探下佢同BB，但係佢落左黎真係仲方便呀。

呢日我地同公公，舅父分道揚鏢，帶公公去探朋友，得媽me，妹妮同EE去玩

嘩，加洲迪士尼成＄90入場呀！！我地又醒唔起本地人有折，又醒唔起一早係網上訂飛。。。比左正價買飛呀

媽me同EE已經黎過加洲迪士尼N次了，但係妹妮第一次黎到美國，呢d地標又好似唔可以錯過咁，於是又抽一日過黎。加上SF好友同家人呢日都係Disney, 索性約埋係度見面啦

美國小鎮大街同香港既差唔多，都係有棵超高聖誕樹

妹妮見到雖然同香港既差唔多，但係都無減走埋去影相既興致

香港同加洲迪士尼既公主城堡都係用睡公主城堡，所以影出黎張相都差唔多。但係去旅行零捨開心，咩都影一餐！

因為入場已經成11點幾，所以我地排隊玩一陣先。呢次主打玩香港無既遊戲，第一個就係Peter Pan, 因為假日所以條隊都長長地，我地排左成45分鐘至有得玩呀！

玩完第一個遊戲已經成12點幾，我地就去左買d野食

就係呢個時候，遠自SF既朋友們出現了。呢位公主係Adyson，今年7歲。未去迪士尼之前我已經話比妹妮聽有朋友仔介紹佢識，妹妮聽到有新朋友就好開心。Adyson係我好友個家姐個女

但係妹妮又成日叫住Adyson 個名又話想一齊玩，見到面時Adyson比較靜，妹妮又怕醜，兩個雖然企埋一齊但係又無咩交流。

妹妮轉移左視線去BB Ronin，相中就係Adyson個媽咪Angel 。Ronin好得意，3個月大，但係好似識對鏡頭笑一樣！

來個大合照，雖然佢地係中國人，但係因為係正宗ABC所以識好小中文，妹妮可以練習下講英文了。因為佢地有成大班人一齊，所以我地食完野再約見面，其實見到面，傾下偈hug下已經滿足了！因為無見成6年了！！對上一次係妹妮只有兩個月大時，Angie黎香港旅行探我地，當時仲坐緊月都無同Angie出過街呀。轉眼妹妮已經6歲，Angie都有了自己的BB, 除左Ronin, 仲有個小家姐兩歲半既Sloane架

BB Ronin好乖，無喊過呀，妹妮咁鐘意細路真係開正佢個瓣，忍唔住猛搣佢塊面豬

佢地同朋友去食lunch，我地繼續食完野去玩。

食飽飽後我地去坐白雪公主ride

其中有個新'遊戲'係 FROZEN 但見到要排兩個鐘我地無排到，原來只係同Frozen個公主影相咋！都要排咁耐，傻架！！Angie話佢地成朝影左好多公主相，但係我地一個都見唔到，所以慳返去玩遊戲好過。佢地買左4 days pass，打算玩晒所有野同埋隔離個adventure park，好似主要係玩機動遊戲。我地只有一日黎玩，所以黎舊呢邊，可能下次再黎妹妮已經嫌悶要去adventure park了。