聖誕遊LA day 10 Santa Monica beach

12月30日，呢日係我地呢個trip既last day了，真係重有好多地方未去架！好想留耐d呀，最好住成個月住到悶就走，就最好了！！

呢間係我地第二間屋既外貌，無第一間咁正，但勝在夠方便。只要行兩，三個街口就去到茶樓飲茶，港式超級市場買餸。

呢朝就要車舅父去magic mountain玩，因為我地幾個都唔夠膽去，妹妮又太細會阻住佢玩，所以舅父單挑去朝聖。

尋日個'巨輪'玩完有陰影，去到見到呢d過山車已經驚驚地！

一早去到已經有人排隊了

沿途既freeway 真係好闊呀，每邊成5條線，係大城市先有咋

遠望LA downtown, 其實LA個downtown 無野行，唔同New York，Chicago。以前住Chicago時，個downtown係週未逛街同搵節目既好去處呀！但係LA downtown我印象中都係揸車經過，都無落車行過呀

為慳時間，我回程時就打定電話叫公公，EE佢地出門口行去茶樓，我去到佢地已經食梗野了。

飲完茶，同EE去考埋車牌筆試我地就去Santa Monica行下，因為果度又係我地以前成日會去既地方黎架。

妹妮坐坐下車，un下un下好舒服瞓著埋, 佢個雙下巴好似果日去Sea World見到果隻海象呀，一劈野咁

咪咪摸摸一輪，終於出發喇，我地仲去買埋波霸thai tea一路坐車一路飲

去到Santa Monica已經成3點了，本來想行下以前成日去既步行街，但係要6點去到magic mountain 接舅父，所以只去到沙灘玩下沙咋！仲要好彩搵到車位先咁快有得玩。

妹妮去到沙灘好開心呀！仲要有千鞦玩更開心啦！

呢度影相都好靚呀！

有次同妹妮去沙灘游水，救生員叫咪話：泳客注意。。。妹妮聽到就話我地都唔係泳客，我地係沙客吖嘛 －＿＿＿－"  黎到LA都要做沙客，唔願走

好難先叫到佢著番對鞋架

就係引佢去呢上面玩囉，佢而家玩機動遊戲玩上癮，見到即刻咩都得

於是我地行上去個碼頭啦

呢度直情係遊樂場一樣，記得以前好似無咁多機動遊戲架，但係我地無咁多時間玩了，所以淨係排左一樣遊戲

EE趁我地排隊時周圍影左d靚相

不經不覺我地都排左成45分鐘呀！！無咩時間再玩其他遊戲了，呢個係就咁bounce，但見d人玩得好開心，有個大人都排埋一份

鄉好安全帶就ready了

都彈得幾高噃，但係哪佢打空翻都係唔夠膽

但係都跳得好開心呀！

只係玩左一樣就要走了，呢度真係好捨意，同我地趕頭趕命真係格格不入呀

古靈精怪妹就更加唔想離開啦

但係睇google map去magic mountain 有heavy traffic, 本來半個鐘車程要成個半鐘，我地唯有早d走啦

再見了

好希望可以再黎呀

臨走去買隻corn dog先

即叫即炸，真係好熱氣，但係好好食！

我地雖然已經早左出發去接舅父，但google map真係好準呀！沿途真係因為有意外有一段路塞左好耐呀。我地去到都遲左15分鐘！

呢晚係LA最後一晚了，出街食＄9.9 買一送一龍蝦啦！點知其他餸都好好味呀！！食到lam lam 脷

呢晚仲要執行李，因為聽朝一早就要上飛機了！！我同妹妮返左屋企先，公公佢地再去walmart 走多轉。其實美國都算幾有聖誕氣紛架，好多屋門前都有聖誕裝飾，其中呢間都幾特別呀，我地落車影張相先

妹妮呢個假期同舅父friend左，成日搞住佢

 12月31日 一早8點鐘我地就要出發去機場了，真係唔想走住呀

我地架車塞爆行李，好似走難一樣，好搞笑！

drop低行李後同舅父去還車

check in了

可惜班機好滿，想upgrade 公公去premium economy 都無，見公公坐咁耐機都戥佢辛苦

想起要坐14個鐘就慘。。。如果機程唔係咁耐，都可以飛密d，但係真係太遠了，唔可以成日飛過黎呀。今個旅行真係好難得一家人一齊黎，我地已經好耐無呢個組合一齊旅行，而且係返黎以前住過既地方。而且最感恩係公公雖然七十幾歲但係身體仲好壯健，跟我地行足一日都無話幸苦（由其去Sea World果日不斷行，我地又醒唔起要唞下），真係希望出年再來一次！我地屋企唔係斯斯文文果種, 係有意見就出聲, 有時都有爭吵聲, 但這就是我們! 今次帶住妹妮又唔想佢太悶無節目，所以安排左幾日正常我地唔會去既theme park，因為咁我地無咩時間真係行下shopping mall，只係得outlet果日真正叫做掃下貨。本來有好多野諗住留返黎美國買，例如 Jo Malone, Fresh等護膚品都無買到呀。如果下次再黎，希望可以多一日時間去逛街就perfect了！！

妹妮都好唔捨得LA呀，佢覺得呢度咩都好，廁所又有墊紙夠乾淨，地方又有香港咁迫夾，又多地方去，又多野食，d屋又係house，正係佢想住既。。。佢好想快d再黎呀

bye bye LA, 希望好快會再返黎啦

起飛後都仲好唔捨得呀

妹妮無新屎坑，仲係湊住Sophia 

回程因為係早機，妹妮去到半路先瞓得著呀。我地既除夕就係飛機上渡過，都無得倒數潻。

終於捱過呢十幾個鐘了，we are back！係香港已經係1月1日了，happy new year！

返到屋企yaya準備左花迎接我地呀

爸B同yaya都好掛住妹妮呀，但係妹妮去到美國都玩到唔記得爸B同yaya了！

yaya仲襯呢個假期車左套睡衣比妹妮潻

好合身呀！！