Frozen 上身

我家工人姐姐好錫妹妮，知道佢迷上左Frozen 入面個家姐Elsa，妹妮之前千叮萬囑叫我去美國Disney store幫佢買 Frozen公主裙，但係Frozen 產品實在好hit，去到美國都無咩好買，公主裙更一條都未見過有得賣。於是yaya自己做左一條比妹妮！

yaya一直都無比妹妮知，諗住surprise佢，但係妹妮又好似知知地，有日同我講瞓覺前心事時話yaya已經買晒'ingredients' 整佢條裙 －＿－

前幾日終於做起了，yaya仲曚住妹妮眼，一除眼罩就照鏡見到自己一身Elsa打扮，開心到飛起呀！

雖然唔係好靚，但係最起碼已啱色，又有斗縫，又透透地，都有8成似Elsa條裙既。

妹妮講心事時已講左出年學校新年party，會著yaya做比佢既Elsa裙返學！因為學校除左果日可以著自己衫返學之外都無另一日，佢都係想show比同學仔睇啫

仲拉埋我去扮妹妹Anna

著左條裙仲唔即時上身，除口就唱Let it go! 其實我地自己覺得好難頂，不過好搞笑 

其實爸B都話好難頂叫我唔好post，但係都唔差在啦，如果覺得想嘔就熄機咪睇喇！

真係當正自己係Elsa架 （滴汗"） 

不過妹妮真係好鐘意條裙，又再話出年新年party唔著華服著呢條裙。。。又扮晒怕醜，真係好攞命呀！

雖然妹妮都知我地成日話佢難頂，但係佢又唔會覺得唔開心，仲一齊笑埋一份！我覺得咁又幾好，唔會因為比人笑而收埋自己，希望佢一路都咁樂天啦！

除左首本名曲 Let it go，仲唱埋For the first time in forever, Do you want to build a snowman。總之套戲入面既主題曲都比佢背晒了 -_- , 真係多得Yaya呢條裙呀！