Day 8，黎緊兩日我地都會同埋朋友一齊玩，早幾個月已經plan緊呢兩日去邊度玩好。一早起身因為呢日買左10:30飛去聖家大教堂(La Sagrada Familia)！呢個係巴塞地標之一，也是世界遺產。係高弟晚年專注既作品，可惜未起好已經離世。而家仍然跟高弟當年既藍圖興建，起左成百年都仲未起好，呢座教堂由1882年開始起，預計仲要多幾十年才能起好。
所以離遠都見到好多工程架
來到呢度真係無辦法唔博命影，因為實物真係好莊觀架！
行到入去，天花都設計獨特架，好精緻呀！
差d忘記我地11:30要上塔頂門票，我地揀左Nativity facade (耶穌新生面），係高第第一面設計而親自起好的。而家開放只有Nativity Tower同埋Passion Tower（耶穌受難面）。
等候大堂呢度d牆上裝飾都係由高第設計的，好子細呀
原來細過6歲小童係唔可以上去，好彩妹妮同Audrey都7歲，但係妹妹Zoe 4歲就無得上去，要爸爸留低陪佢了
塔頂就好似栗米心咁，原來d窿窿就係𥦬口來的
上到來知道點解唔可以比小朋友上來了，因為樓梯很窄，有一個大肥佬行過時基本上係唔可以容納到兩個人，要縮埋一邊才得。
栗米心頂就係咁喇
𥦬口望出去，見到仍然動工中既新作，但係一望就見到新起部份無舊的精緻
我地已經上到好高，可以遠望晒巴塞市城景色
原來上到栗米心就要沿樓梯落返地下了， 但係都已經有成廿層樓高
中途有個露台可以出去影相
內部情況
返到地下，我地再影多一陣相至離開。聽到有導賞既導遊講原來本來呢個教堂連當地人都唔知咁靚，只知道有座教堂係度。某日有電視介紹過之後就開始聲名大燥，個個紛紛前來參觀，原來附近一直有座咁靚既教堂都唔知。
妹妮就同Audrey邊行邊玩
呢d門口既雕塑與係好仔細
臨離開前呢幅牆都好靚架
之前成日聽聞高弟用左好多生物係設計上，好似上次巴婁之家(Casa Batllo)就用左海龜，鯨魚，原來呢度都有海龜架，就係條柱底
唔知仲會唔會再來巴塞，但係覺得能親眼見過呢d咁靚既建築已經好滿足了！
出口前例牌有商鋪賣手信
我地去左附近既餐廳食晏，見個餐牌都唔算好貴
個pizza仲要專人黎切添
又叫左磨菇飯，同墨魚汁飯，點知埋單至知食物唔貴，但飲品成5歐一支，張單仲貴過La Fonda晚飯呀！！景點附近遊客餐廳真係搵笨呀
聖家教堂對面有個小公園，之前上網見過話早上影相可見到教堂倒影，但係我地中午就只見到一池好濁既水 -_-
如果見到教堂倒影相信幅相會靚好多好多好多！
公園仔有小滑梯比佢地玩，我地就影相
沿住聖家教堂有路去另一個景點，係間醫院黎架 (Hospital de la Santa Cruu i Sant Pau)！
沿路都有好多露天餐廳，早知就黎呢度食啦！
開頭諗，大吉利是咩，去醫院觀光！原來呢間醫院係列入左世界遺產，而家已經係健康、教育、及可持續發展資源中心了
我初初以為仲係醫院，所以大家都入去睇，淨係外面影下相算了
睇下兩個daddy顧3隻馬騮幾lei hea?!
下一站係 Casa Mila 米拉之家 (La Pedrera)，米拉之家係1906-1912年間由高弟起的。因為佢型真係非一般，當時都不被大衆接受，而且成座好似石礦場咁，因此叫佢做La Pedrera（石礦場）而家米拉之家都係世界遺產之一。
西班牙天氣怡人，暖暖地啱啱好影相都充滿陽光！
我地一早買定飛入場，呢度就係米拉之家既天井
入到天井就可以直接上去天台，同Casa Batllo唔同，因為呢度中層位置仍然出租比其他人，所以只有地下，及頂層可供觀光。由天台望返落天井
雖然係天台，但係設計都好特別，平時我地既天台通常都唔會花心機去設計，但係呢度唔同了，花左好多心思在設計上。成百年前已經有咁既設計，高弟真係可能外星來的？！
呢d一支支好似人頭既裝飾其實係煙囱來的
呢度望出去就係感恩大道，位處最旺地區，相信d租都唔平！
落返下一層閣樓(attic)就係展覽館
仲展出高弟做既傢俬
仲有米拉之家既模型
另外有一層模疑當年既apartment，有主人房，兒童房，客廳，廚房。成個apartment 好大，相信當年都要有d錢先比得起租！
呢間係兒童房
廚房
客廳，如果而家可以住係度都真係唔錯呀！！但係當年米拉之家曾經輪為分租補習社，寫字樓，最後被當地銀行買起維修，再供開放比公衆觀賞用
高弟連傢俬都做埋，佢真係一個鬼材！
參觀完落返地下
呢晚Audrey一家會去睇足球比賽，所以一早我地去食個早晚餐
呢晚又encoure La Fonda
因為早所以唔駛等位
未上甜品Audrey就要趕去足球場，淨返甜品比我地食
我地慢慢嘆完就返屋企了，離遠見到呢個公仔妹妮居然以為係真人扮既-_- 仲唔敢行埋去影相
晚飯後我地仲行左一陣，好彩鋪頭有梳化比妹妮抖抖，爸B呢晚仲係Zara有收獲！其實妹妮跟住我地行咁多路真係算好叻了，平時真係無幾何有咁多路行呀，見佢咁攰真係我見猶憐呀
終於都天黑了，我地又行返去Catalunya 公園搭地鐵，係時候返歸喇！
No comments:
Post a Comment