呢日聽酒店接侍介紹去左Placa Espanya呢頭觀光，一出站見到一個大迴旋處
從網上找到，由高處望落黎係咁既。
對面就有座圓型建築物，我地見個外型咁特別就過去睇下，原來係個mall。但係總覺得無理由個mall會起得咁特別，原來前身真係個鬥牛場！
未行到去遠處已經見到有大瀑布我地已不停影相了
行到入去望返轉頭，兩支大柱就好似入口一樣
我們想去睇奧運比賽場館 於是兜過美術館
到體育館了，現場睇真係幾壯觀架 ！
當年其中一d奧運項目就係呢度比賽的
附近就係西班牙村，係1929年因為Expo而建的，
這裏保留了很多西班牙傳統建築，自成一角，有d似海洋公園既集古村。
原來要比入場費架！不過一場來到都入去睇下啦
一入到黎就係一個大廣場，見到三邊都有好多餐廳
我地都揀左一間坐低食晏
呢日風和日麗，坐露天好舒服呀
兩旁的建築好明顯同香港既'西班牙式'別墅好唔同，唔明點解香港d村屋會係'西班牙式'呢？
其實我地係餐廳第一枱客，見好附近餐廳都好似好小生意咁
呢度有set lunch 都唔算貴
cannelloni 雞肉卷意粉
炸薯波
呢個烤雞反而幾好味，皮脆肉軟！
海鮮飯就一般
我發覺西班牙d creme brulee 唔同法國果d，係唔實既，係稀稀地半液體狀的。
另外仲有蛋糕，呢餐都算係咁，因為預左係遊客區一來貴二來無咁好食，但係都不過不失又唔算好貴，而且熱情招待
影左張panoramic view，其實呢個廣場就係一個U字形咁
天上有好多白鴿飛過，妹妮指住d白鴿就話 ： 阿snowy又飛返黎喇！
我問 ： 你幾時見過佢呀？認得咩？
妹妮 ：尋日係大街見過啦，d毛灰灰地嘛！我改左個名叫佢snowy呀
隻隻都咁上下色噃，不過佢咁好想像力就比佢想下啦
跟住我地再行下逛下，原來一路行入去仲有好多餐廳，cafe同商鋪架
一路都係古舊建築，好似去左個古城一樣呀
入面仲有藝術展覽免費參觀！
行行下去到一個玻璃工場，即時整玻璃擺設，我地睇左工匠吹左隻馬同埋隻貓，都幾好睇架！
其實西班牙村有大大小小117幢建築，都係西班牙唔同地方既特色集中晒一齊，係一個濃縮版西班牙
離開西班牙村，我地去Colonia Guell，Guell (奎爾)係當年一個好有錢既生意人，佢好賞識Gaudi(高弟)，因此有好多奎爾名下既物業都由高弟負責。
呢次去既Colonia Guell，當年係奎爾既紡織廠，呢度成條村咁，當時工人都係住係呢度。我地主要去睇呢度個church，由Gaudi起的。由剛剛 Espanya站搭火車20分鐘就到，一出站就有藍色腳印，沿住腳印行就到了
呢度都有接待處，買飛時有audio guide
而主打就係呢個chapel 小教堂，離遠見好似隻蜘蛛咁
呢度d柱都唔係一般普通柱
其實入面就最靚，雖然係小教堂，但係好精緻好骨子呀
內裏同出面一樣都係一條有好多'瓜'既柱，連坐椅都係高弟既設計
妹妮扮下祈禱，點知有識員見到話呢度唔可以祈禱。。。其實我地扮下咋，都無信教既
出面d柱頂都無裝飾架
小教堂既外觀，除正門蜘蛛入口，後面都好有流線型，唔係直牆身架！好似𥦬簾咁有drape架
附近既大廈有d當年就係工人宿舍，仲有有學校
逛完後見有個公園又去打下韆鞦，對妹妮來講可能好好玩，雖然佢對觀光無投訢，仲好似幾enjoy，但小朋友見到公園就分外開心！
返出市我地去左Gracia大街行左一陣，就搵餐廳坐低，今日都算睇左幾多野了，係時候抖抖。於是係Yelp去附近 一間La Pepita餐廳，但係未夠鐘serve dinner，我地坐下飲野先。
我地坐到大概8點，就有個surprise比妹妮，其實妹妮有個係L.A. 住既朋友仔，我地13年聖誕去L.A.時認識，係EE同學個囡囡，她倆一見如故，舊年暑假Audrey返香港都有一齊出黎玩。今次咁蹺 Audrey一家又係4月去西班牙，我地有3日相見既機會，因為Audrey佢地去馬德里再到巴塞，而我地就去左巴黎再過黎。係幾個月前已經知道會一齊玩，但我地决定瞞住兩個女仔，所以佢地唔知會見到面架！！！
8點鐘，Audrey佢地剛落機係酒店settle down後趕過來，一入到餐廳相見時，兩個女仔只識傻笑，無我地想像中既尖叫相擁，好冷靜呀！！
三個女仔一個墟，佢地幾個聚埋真係好嘈呀
呢間餐廳d食物都幾有特色，呢份係煎三文魚，但係有兩塊脆多士係面，幾好味！
帶子都好正！
阿根延牛肉串就靭左小小
呢度好興食呢d有搽左茄膏既多士
pan fried 蝦
似孚係餐廳招牌菜既煎鵝肝牛扒，但爸B話塊扒靭左d。
creme brulee都係稀的
我地黎緊兩日都有伴，兩家人一齊玩喇！幾個女仔好開心呢
餐廳侍應好好人，比左幾支筆佢地簽名
點知佢地博命畫！
我就幾大都寫返個名啦
呢餐飯食完都成10點了，要返屋企喇，途經Casa Mila又要影下
每次經過巴婁之家Casa Batllo都忍唔住要影下相，巴婁之家門口就係地鐵站，超方便！明天仲有行程，真係要趕返去覺豬了
No comments:
Post a Comment