Easter in Europe Paris day 3－5 凡爾賽宮，Outlet

Day 3 

一早起身就出發去凡爾賽宮，我地住個地鐵站有直達火車，廿幾分鐘就到了！

法國既近郊

落左車行去凡爾賽宮時，經過一個市集，有好多野食賣呀！

可惜我地唔會買餸，所以行下算了

呢幾日都幾凍架，每日都要羽絨加頸巾，妹妮仲嫌唔夠暖要包埋頭添

終於到門口了，呢度泊左好多旅遊巴，預左入面一定好多人！

離遠見到凡爾賽宮都感受到佢幾金鉑輝煌呀！呢度以前本來只係皇室既一個行宮，後來係路易十四遷離巴黎，將呢度擴建成真正既皇宮。

 

現場所見，呢度真係好靚架，可能有金漆，比起羅浮官華麗好多！ 

我地博命影相

其實我自己鐘意凡爾賽宮多d，羅孚宮展出多數係藝術品，油畫等，而凡爾賽宮就係好似參觀皇宮咁，見到以前既客廳，睡房，好似生活化d有趣d。

係每間房都唔同顏色，由第一間藍色，跟住紅色，再黃色，都幾有趣

雖然呢度都有畫，但多數都有關皇室既畫

好難想像以前d人要行咁遠至由客廳到睡房，我地同妹妮講就好似Frozen個皇宮咁，Elza同Anna由一邊走去另一邊都走好遠架！

妹妮後面果張就係龍床了！

呢個係最出名既鏡廳

係凡爾賽宮入面都有餐廳，一係Anglina, 另一間係canteen式食三文治

於是我地又幫襯Angelina, 但係次我地唔食鹹食甜。d甜品見到都流口水，件年都好靚！

我地揀左3件，爸B揀左Mont Blanc，我揀左Millefeuille, 妹妮果件有macaron係面，三件都好食呀，一d都無過甜！今次精喇，叫兩杯朱古力三人share，因為杯朱古力濃到好似將排朱古力溶左飲入口一樣，飲得多好溜呀！

食完飯想去宮殿園林散步，因為上次黎都係行左一陣就走，可惜食完晏開始落雨！！我地决定搭小火車算了。記得5年前呢個花園好似免費的，而家要比9歐入場費呀！小火車都要成7.5歐，但係慳返腳骨力又避到雨

好彩無行咋，個後園真係好大架，要行都唔知要行幾耐至到！

遠處仲有d小行宮據說係比家人或情婦住既，搭小火車都可以隨時上車落車去參觀呢d小型宮殿，但係落雨濕濕我地都懶行了

只係隨住火車兜左個圈就算數，點知一落車又好天無雨，激死！！

離開凡爾賽宮了，搭火車走前食個tea先，落完雨天氣再凍d，要飲杯熱飲保下暖！

跟住我地去左Serve，因為呢度有d'Orsay博物館同埋媽me想朝聖既地方，落住雨我地去左朝聖先

呢間H store好大，有埋cafe 架，可惜只係幫朋友買左小配件。

點知朝聖完就快6點，去唔到d'Orsay博物館了, 直接去食附近一間老牌鴨店。

見到餐牌上食物都算平，於是咩都叫d試下。呢個係鴨醬，可以就咁食又可以塗麵包食

聽聞荷蘭好興食herring魚，呢日點來試下，味道有d腥，似燒鯖魚既腥味，但薯塊就好味

主角duck confit油封鴨，真係外脆內軟，好味呀！都係12歐咋，好抵食

爸B黎到歐洲日日都要食牛扒，呢晚示不列外，難得係塊牛扒比之前幾日食都好味，但係鴨仍是較出色

我地仲叫左青豆湯，萍果批同朱古力蛋糕，真係食到好飽但係又平既一餐！！食飽之後仲有一個地方要去呢

咪就係凱旋門囉，雖然日日都經過，但係上去係要收費的，所以趁最後一日Museum pass就要用左佢。9 點鐘巴黎鐵塔會有閃燈儀式，於是較啱8點幾上去等睇show 

呢條9層高既樓梯真係行到腳仔都軟呀，其他人都一邊行一邊呻

上到去真係有窒息既感覺呀！！

但係望落街又真係好靚架

ChampElysees 夜景

其實8點幾落雨天個天都未黑晒，踏正9點巴黎鐵塔就開始閃光，雖然唔係話好特別，但作為遊客都覺得有睇放煙花既感覺架！

而凱旋門遠望過去鐵塔都好靚

凱旋門項層都有小小野睇下架

離去時行返9層樓梯落地面，好彩落樓梯無咁辛苦，其實肥d或年紀大d 既人點行上去呢？

凱旋門圓拱底部都有石刻裝飾架，睇完凱旋門又係時間返屋企覺豬了

Day 4

因為巴黎個outlet d 商鋪好似幾吸引，於是最後一日我地抽個上晏去行下街。其實爸B都有問過去唔去巴黎迪士尼，但係迪士尼同香港一樣，無理由去呀，於是去outlet算了

幸好去outlet坐火車車程都係40分鐘左右。呢日又係天雨矇矇，逛下街都好既

呢度有Celine，Moncler，Red Valentino，Jimmy Choo等名店，但係唔算好平，所以買左小小咋。

一出火車站要經過一個mall至行到outlet，我地諗住有排行仲係outlet入面食lunch，其實個mall多好多野食架！

去完outlet爸B一樣野都買唔到，媽me有小小收穫，買左4年衫咁大把！於是想去下探訪老佛爺呀（ Galleria Lafayette），一出站就係 Opera，我地上次住呢度附近，其實呢區都好方便。出到城天氣好番晒！人都開心d，呢日星期六，街上好多人呀

我地雖然食左野，但係去旅行係會食多幾餐，於是再encore Leon 青口，今次一人一煲至得！呢間近Opera既店係我地當年第一次黎幫襯過架

我同妹妮每一人煲，我叫左原味，妹妮要蘑菇湯味，好正呀！

爸B都係走唔甩要牛扒

妹妮自己可以食晒食煲，佢話好好味喎

跟住去左老佛爺，Chanel條人龍長到見到都唔想排

轉戰春天百貨，但係一樣咁多人，就算街上都好多人呀！！但並唔係只有強國人，咩國籍晚人都有架

因為兩間Chanel都排到癲，於是我地去Rue Cambon間總店睇下，途經Lindt派朱古力糖，好多人擁左入去呀

去到總店都要等，但係我地排第二無理由唔等架，最後買左小小野，但係已過6點，去唔到Hermes了

我地行返出Concorde，當散下步慢慢行，呢日係係巴黎最後一日，明天早機走了。好好享受下係巴黎最後既時光！如果過去呢幾日都好天就好啦，好彩最後呢日總算還我晴天！

我同爸B旅行多數都做步兵，行好多路，去東京，大阪，巴黎都係。以前都係由羅浮宮行到凱旋門，呢日都帶妹妮慢慢下過去

其實去到Concorde已經行小左一大截了

好快就行到香射麗大道了

我地邊行邊睇下野，最後去左Hippo，比多次機會佢喎。頭盤都係生牛肉

爸B係扒皇，呢晚食左塊貴扒，但係都無當年咁好食。有時味道真係好難搵得返！

法國扒最好就係有大堆青豆，平時小食蔬菜都有得食下

Last night in Paris，臨別前最後影下相

Day 5

我地一早就起身了，因為apartment要10點check out，我地打算食完早餐先返上去攞行李，9點就落街了。本想去街市搵食，點知太早仲未開呀！只有生果賣咋

星期日早上既巴黎市中心，係超孚想像中咁寧靜

我地返去樓下食漢堡飽，但係呢間漢堡都比老麥好食

趁仲有時間又去影多一陣相 ：P

呢度係我地住果條街，超近呀

上凱旋門時買既新書，妹妮睇得津津有味呀

10點鐘屋主來交吉，我地就要同巴黎講bye bye了！真係好希望好希望好快就會再黎啦！！

去到機場都係self check in 非常方便呀！！

個機場比印象中新左同大左好多，仲有好多店鋪一d都唔悶呀！

妹妮同其他小朋友見到有鋼琴都貪得意就去彈下

再見Paris！

下一站。。。巴塞隆那，我地都好excited呀！