Easter in Europe Barcelona day 6 Gracia大街，Casa Batllo，Tapas

在巴塞第二日，呢日係星期一（4/6) 但係當地公衆假期。

酒店包埋早餐，我地慳返好多呀！早餐雖然唔同大酒店既Buffet，間單但有火腿，炒蛋，parma ham，不同麵包，栗米片，三文治，都食到好飽！

呢日我地買左pass去參觀Casa Batllo，點知早左一個站落車，要行多幾個街口。不過一個陽光又寧靜既早上，好舒服呢！

經過一個公園仔，妹妮話要入去玩下！

好耐無打韆鞦咁話！

同妹妮玩呢個小型氹氹團，玩到頭都暈呀，fing得好勁架！

沿路行去Passage de Gracia恩典大街，見到唔小有特色建築物。之前成日見人係d Casa咩度影相，覺得奇怪點解d人會認得，來到就知點解了！

當然有d都唔知係咪出名，但見到靚都影下相！

後面就係 Casa Mila 米拉之家

 

我地另一日再去米拉之家，所以係門口影張相算了。嘩好多金華火腿呀！！

 

一路向南行就到Casa Batllo了！未排隊前又博命影相先

我地買左pass唔駛點排隊就可以入到去，入場仲包埋audio guide添 

除左audio guide外，仲有個好似iPhone既控制器，你去到邊區就可以聽邊區既講解，仲有埋visual 可以睇添，模疑番當年既擺設，同埋Gaudi用左咩概念來設計。有呢個visual guide真係令我地認識多左好多

Casa Batllo係190幾年既建築物，當初的Casa Batllo並唔係而家咁既樣，而係好傳統既一座大宅。因為隔離起左一座好靚既大宅，Casa Batllo既主人就搵左Gaudi將自己既大廈翻新，好難想像咁多年前既建築師咁有創意，整座Casa Batllo一d角位都無，全部係圓角，一d sharp corner同硬線條都無

其實來巴塞都係為睇Gaudi既建築，巴塞佈滿好多Gaudi起或改裝既建築物。我地唔係讀建築，但係平時睇雜誌，上網見到巴塞既相都會被Gaudi既特色建築吸引住。而我地覺得佢好似外星人，同一般果個年代既人諗既野好唔同，好創新而且好靚

入到黎真係覺得好似卡通童話入面既屋一樣，d柱，𥦬框都圓碌碌

當你將個導覽器擺向個模型，就會自動出圖見到大廈內裏設計

呢度係三樓後座平台

中層而家有個休息室比人抖下買下野飲，又有手信店

入面呢個天井鋪晒藍色磚好有海底feel。

原來天井既設計都有考慮過採光原素，高層𥦬口細d，低層𥦬口大d，就可以低層都夠光啦

連傢俬都做埋！講真呢張櫈而家見到都唔覺得out呀！

沿住天井行到上頂樓 

再上埋天台！

天台一樣咁特別！

據聞Gaudi好受屠龍記影響，所以設計呢座大廈時都有螎入屠龍既色彩，好似屋頂既綠色波波就係龍（唔係中式果d龍，係爬蟲類果種龍）既尾龍骨，我地後而個十字架就係插住在條龍既劍了

而呢度就好似動物既排骨

去到頂樓仲有得影相添，當然又係想你幫襯買相既指定動作

對門都好流線型，好正呀！

我地3個都覺得好精彩呀！Gaudi真係好偉大！！可惜呢日相機唔記得叉電，無得博命影相。雖然只係參觀一座大廈，但係我地都行左3個幾鐘頭呀

呢座就係相傳一早起係隔離好靚既大廈，激發Casa Batllo屋主要翻新既大廈了。而家Casa Batllo係巴塞既地標之一了！

呢日比較Hea d，沿住Garcia大街兩旁都係名店，同La Rumbla唔同，呢度無平野式紀念品賣，要買平野都係去返La Rumbla了

呢日去左一間好出名既 4 Gats 四隻貓餐廳食晏，呢度出名係因為畢家索當年成日係度開畫展，呢度餐牌封面都係畢家索畫架

兩點幾但我地話左食晏，所以帶左我地入去入面。如果食tapas或食tea就應該坐呢度了

我地入左大廳，無出面咁casual，侍應都老d 

但裝修都幾舒服

落單時，侍應話要叫個經理來落單。。。好似好嚴重咁，我地叫左suckling pig，春雞，魷魚。呢餐都算 '貴' 用左85歐，尋晚La Fonda都係食左44歐咋！

我地行返去La Rumbla

 La Rumbla比 Gracia大街感覺熱閙好多

本來想去下個聖荷西街市，聽聞好多野食賣，但呢兩日都係假期無開

呢日唔知點解好攰咁，行到4點幾我地去左尋日果間餐廳買Tapas返屋企當晚飯食

呢間係尋日經過有好多款式果間tapas店，但係Tapas都逐樣計架

其實酒店環境都唔錯，早d返黎hea 下休息下

我地叫下叫下都叫左45歐，呢晚就係屋企休息下早d瞓，養足精神再去玩！！妹妮好鐘意個貝殻，我地食完洗乾靜仲帶左返香港