baby Aerin turns 1 year old ~ part II 之驚嚇迪士尼

嘩！好難得妹妮一覺瞓到天光，唔通酒店連Ｂ床都好瞓Ｄ？今朝６：３０準時起身，不過半夜無碌醒，正！起碼爸Ｂ媽Me都叫做有覺好瞓。

一早起身已經無比精神，喺Ｂ床指手劃腳　洗個白白準備去食早餐，第一次用大浴缸沖涼。初頭唔敢坐低，後來用支沐浴液引佢先肯坐。

好嘢！又繼續長佂，落到大堂已見木蘭，第一時間影返張相先。

再落餐廳食buffet，離遠已見到Mickey，妹妮喺屋企好鐘意探吓貼喺門口嘅米奇，Donald，同Minnie（揮春）架。點知今次近距離接觸一見就嚇親，搞到米奇都唔敢再埋黎。爸Ｂ唯有吩咐高飛同米妮要後兜由後面行埋黎，等妹妮見佢唔到影合照啦，搞到連待應們都要幫手逗妹妮笑...我諗見到米奇會大喊嘅細路都唔會有好多個呱，米奇今次真係失威喇。

妹妮太驚，斷續喊咗成個鐘，我哋專登book呢個buffet想影相架嘛，點知佢咁驚，早知慳返啦，我哋輪流‘tum’佢都無咩食過嘢呀　妹妮又驚又要望，喺鏡倒影見到Minnie，又係咁裝，Minnie見妹妮裝，就對住塊鏡扮鬼臉，好搞笑！反而見倒影又唔驚！啤...吹漲！！

早餐後去樂園繼續長佂，首先玩小飛象，因為又上又落，開始時妹妮都小小驚，坐咗一兩個圈先好Ｄ。跟住同Pooh影相，唔駛講都知妹妮又被嚇驚啦！都唔妹妮幾時變得咁脆弱呢？

驚嚇過度，好快又瞓覺豬喇。我哋又躲入鋪頭涼冷氣，趁妹妮覺豬，爸Ｂ堆滿公仔落架Ｂ車等妹妮同Ｄ公仔合照。效果唔錯喎！

瞓醒又去玩過！今次玩mild一啲，旋團木馬，妹妮同爸Ｂ一齊自己排隊呢。木馬好似無咁驚，仲幾enjoy潻。

再玩多一樣...米奇３Ｄ電影，不過一樣嚇驚，唯有中途離場　我諗對妹妮來講，迪士尼唔係disneyland而係scaryland囉，唔駛halloween都驚嚇多過好玩啦。後來買咗第一隻屬於妹妮嘅公仔...Donald duck duck呢。我哋咁耐都無買過公仔架，妹妮玩的都係媽咪之前買落嘅。不過妹妮對公仔興趣不大，都唔騷隻Donald嘅。

熱得濟頂唔住要換衫了，好彩有個baby care center，有水飲又有地方換片片，索性換埋衫，成個人爽晒！行步路都快Ｄ。呢件衫係妹妮今年第一份收到嘅生日禮物呀！

爸Ｂ猛話頂唔住，攰到想死了，不過撞啱巡遊封路，咪睇多次囉！爸Ｂ話呢次迪士尼遊仲攰過返工，好似擔泥托鐵咁攰...比我哋倆母女玩謝喎。老實說我都攰到爆，返到屋企都頂唔住大昏迷，不過我覺得好開心，好好玩呀！

返到屋企收到yayaGigi嘅生日禮物，都係迪士尼產品喎！

最後我哋爭扎咗一日，最終都係ugrade咗year pass，即係話米奇，我哋會再來來來來來架，ＳＥＥ　ＹＯＵ　ＬＡＴＥＲ！！！