送貨+戒奶咀+拆禮物

自從上星期學識行，妹妮而家喺屋企已經行得幾好了，仲識做慢遞員將物件由Ａ點或人送到Ｂ點(人)！ 比你一個‘叻’

星期一開始, yayaGigi就試吓幫妹妮戒奶咀,因為佢已經大個女了...好辛苦架,因為奶咀真係bb嘅magic item黎架. 每當妹妮一扭計,或扭眼瞓,只要比個奶咀佢一嗒就即刻靜晒,仲好快可以覺豬潻! 真係有安撫功能架, 星期日yayagigi放假時更不可少! 星期一朝妹妮又扭眼瞓,已經不斷捽眼,但因為要無奶咀,所以扭咗好耐計,仲喊晒潻. 一時又指吓自己個口,然後指去櫃面(因為平時奶咀擺喺櫃面),一時又發嬲咬人. 如果係我見佢個可憐樣都可能會心軟比返個奶咀佢. 好彩yaya定力夠,話戒就戒,仲可以冧到佢瞓. 只需一日,妹妮就成功戒掉奶咀喇!!之後夜晚同第日都可以唔駛用奶咀瞓著! yeah!!! 比多個叻你! 不過我有d擔心星期日無奶咀你係咪一樣咁乖可以瞓到呢?

今日收到Crystal姨姨從美國寄來嘅禮物呀，就等妹妮拆禮物啦！

好心急呀，唔係咩黎呢？

咦，有生日咭喎...

嘩！好嘢，係媽me至愛juicy嘅裙仔套裝呀! 妹妮又有靚衫著，今個星期日可以著黎影相了！

媽Me就有Jo Malone香水...um...smells so good！!我已經儲咗幾隻味 : orange blossom, nutmeg & ginger 同 tuberose, 及 netarine blossom body cream. 今次呢個係Grapefruit味，陣味好清架！正係我諗咗好耐，想買又唔捨得買， 諗住下次會買嘅味黎架，而家唔駛等下次了，好嘢！

thank you CRYSTAL (LEWIS我都係鍾意叫你化名多D) !!