今日生日喇！！晨早返公司做小小手尾，就同老公去食個浪漫的lunch...當然唔係真係好浪漫啦，只係叫做牚吓枱腳啫。呢度lunch嘅沙律bar 同 parma ham 好好味
，忍唔住食咗３碟，食埋主菜都好飽，仲有甜品，飽晒。
，忍唔住食咗３碟，食埋主菜都好飽，仲有甜品，飽晒。食完飯返屋企見到妹妮已經著好晒衫，仲戴埋帽仔，襯得好型呀！終於出發了！！
原來車程快過去機場好多架！半個鐘就由屋企去到迪士尼喇。先去酒店check in，酒店upgrade我哋去有露台客房，個迷宮喺上面望落去好靚喎！
之後就趕去樂園睇３：３０巡遊。今日我哋生日，樂園酒店比個襟幛我哋載。啱啱趕得切，仲霸到位坐
妹妮都唔係好知巡遊做咩，望吓咁啦，我就覺得好好睇，聽到Ｄ音樂個人都開心晒。Ｄ卡通人物見我哋有生日襟幛都向我哋恭喜呢。
妹妮都唔係好知巡遊做咩，望吓咁啦，我就覺得好好睇，聽到Ｄ音樂個人都開心晒。Ｄ卡通人物見我哋有生日襟幛都向我哋恭喜呢。呢度好似比市區熱，我哋就‘呢’入鋪頭歎冷氣，順便借Ｄ道具影吓相。呢個頭箍好cute，不過妹妮唔肯戴，所以影完相擺返低。
無耐，妹妮就覺覺豬，我同爸Ｂ咩都唔玩到，見到有show睇都唔睇得。唯有搵張長椅坐吓唞吓等佢醒啦。去到城堡前，突然有個員工話幫我哋影相，可惜妹妮瞓咗，所以只有我哋兩叮友影。其實個哥哥仲影咗幾張要做迷奇哺士架，要攞張飛去大街睇相，不過爸Ｂ後來唔見咗張飛
好彩有用自己架機影啫。
好彩有用自己架機影啫。休息咗一陣妹妮醒啦，見到有人排隊，原來係吏迪仔。第一次同卡通入物影相，遠距離觀察吓先。妹妮都唔驚吏迪仔，仲行埋去影相潻。
去Tomorrow Land，我哋玩咗第一個機動遊戲‘飛飛’（就係後面嗰個）
見到巴斯光年，妹妮驚到喊晒口...
巴斯唯有另歪面唔正面望佢啦。跟住爸Ｂ仲去玩埋巴斯個機動遊戲，入面又嘈又閃又黑，嚇到妹妮又喊驚。
巴斯唯有另歪面唔正面望佢啦。跟住爸Ｂ仲去玩埋巴斯個機動遊戲，入面又嘈又閃又黑，嚇到妹妮又喊驚。小小世界就啱玩嘞，聽吓歌仔，睇吓公仔。之後去玩咖啡杯。
今日有黑色迪士尼，不過我哋無入鬼屋，怕妹妮嚇驚嘛。今晚有halloween遊行，不過我哋已經又熱又攰，睇咗一陣就入餐廳食飯了。好彩都影到阿Jack啫！
食完飯爸Ｂ話項唔住太攰要返酒店攤吓，一入門口就見到爸Ｂ一早預訂嘅蛋糕，同酒店送嘅毛巾蛋糕及生日包...不過明明話咗兩個人生日，點解得一份嘅？
妹妮勁鐘意喺張床度碌，玩咗成日最後都係時候唞一唞。不消一陣就即刻瞓著覺了，豬女今日一歲了！要幫佢整過條新ticker 了，希望妹妮快高長大，健康快樂！sweet dream
No comments:
Post a Comment