生日會

第一個十月份生日會由爸Ｂ家人帶頭發動，因為順便替我同爸Ｂ慶祝埋，夠方便嘛！好似幼稚園時一個生日會幾個同學仔做主角咁，當然今次主角都係妹妮啦！預祝一歲生日咁大件事噃！

今日出席有嫲嫲，大姑媽Diana，大伯Michael，細姑媽及姑丈Pauline & Simon.。妹妮收到生日禮物呀，等切完蛋糕先拆啦。

雖然妹妮仍未可以食蛋糕，不過見到都有興趣想聞吓。

做model影吓相，都有試吓蛋糕上的藍莓生果。

個蛋糕插焟燭後即刻發出光芒呀，幾靚！仲有晒我哋三個個名。

無得食都吹焟燭同扮切蛋糕，話晒都係壽星嘛。

拆禮物喇，首先有大姑媽買的蝴蝶髪夾同舊年滿月時買定的ＢＢ金頸鍊。妹妮夾小小頭髪好似都幾好睇吖，無yayaGigi夾一大朿的怪鷄。至於頸鍊都唔會帶了，就同埋滿月時公公，ＥＥ及朋友送的金器擺埋一齊留為紀念，等妹妮大個時先自己帶啦。

Simon姑丈買的超大碼大褸，幾靚架，不過大件到要出年先著到。比妹妮試穿，著起好搞笑，好似著咗水袖衫一樣。不過妹妮好似唔liKE，可能件褸太大，嚇親呱？即時喊晒口。

仲有細姑媽Pauline買的兩本書仔，妹妮似乎好鐘意書書噃。

其實我都想幫妹妮搞生日會，始終係第一個生日嘛，你知有幾重要？𡯁其見到Wendy給我的蛋糕網頁Complete Deelite，更加想搞。Ｄ蛋糕同cupcake真係一見傾心!!!!

爸Ｂ就覺得妹妮都唔會記得有個生日會所以唔贊成搞，但係其實唔記得都有大把靚相可以睇返啦。不過要搵地方都幾煩，概然我哋又已安排生日去迪士尼慶祝，都無spare時間搞生日會了...唯有記望出年啦！