十月係我最鐘意嘅月份，因為秋高氣爽天氣好。今個月仲係我哋一家嘅喜慶月呀，因為除小肥係５月生日外我哋成家都十月生日架！連請個工人都咁蹺係十月之星，興祝好似一浪接一浪呀！ＹＥＡＨ~~!!
首先今日（１０月１日）係我哋結婚４週年紀念
１０月８日＝＞爸Ｂ生日
１０月１０日＝＞大肥＋婉欣(Emily) EE生日
１０月１７日＝＞登登登登！！妹妮＋媽me生日
１０月２４日＝＞yayaGigi生日
其實今個月仲有幾個朋友生日潻，順道預祝佢哋(Jose, Mike & Eldora)生日快樂！月尾仲有Halloween，係咪聽落都覺得節目豐富呢。
話說今日因為公衆假期，所以去邊都要lunk住妹妮。一早５點幾就比妹妮碌醒，因為佢晚上８：３０就覺豬，今朝一早就扶住我床邊企咗喺度，抱佢上我哋張床諗住可以瞓返佢就係咁碌來碌去，於是一早都未瞓醒就出去食早餐。晏晝本來想近近哋去海港城行街街點知Ｄ停車場又封晒，搞到要折返。返屋企比妹妮nap吓，等佢夜晚出街食飯時唔駛扭眼瞓囉。全日最期待又最精彩嘅就係夜晚同爸b嘅dinner。
今晚因為國慶煙花封路，我哋只好搭車，爸Ｂ要咩住妹妮，都咪話唔攰！
我哋兩週年都係喺Morton's興祝架，舊年就因為大住個肚，費事封路出黎迫而去咗第度興祝。咦！咁其實舊年妹妮都有同我哋一齊興祝喎，不過仲喺肚入面啫。今年多個妹妮，真係唔同晒！
今日餐廳好好，安排咗𥦬口隔離嘅卡位比我哋，妹妮就異常興𡚒。成晚喺張梳化不斷咁跳，又不停同牆上面Ｄ相講佢至聽得明嘅bb話。
好好味嘅招牌洋蔥飽yummy!!!好易就比個飽‘賺’飽個肚，但真係好難抗拒，尢其我呢Ｄ鐘意食牛油嘅人。係因為鐘意食牛油而要食飽
點咗tuna tartar，妹妮仍然係不斷彈跳...有圖為証
主菜到埋
依然不停地彈跳
有嘢食喇，不過唔食得大人嘢，所以都係睇吓有咩玩。注意佢最有興趣係...伴碟嘅葉...
啊！！！仲擺埋入口潻！點只呀，Ｄ葉最後係四散喺梳化
九點鐘，全晚最精彩嘅節目出場...就係國慶煙花，好靚呀！
妹妮都企埋喺度睇呀...實情係話之你放煙花，佢仍然不斷咁彈，連鞋仔襪仔都甩晒
睇緊煙花之際，待應送上免費warm chocolate cake為我哋慶祝，仲有影相同比我哋留念嘅menu潻。
返到屋企，yayaGigi已返到，接過妹妮後，由妹妮負責遞上祝賀咭。以妹妮同yaya名義送上，好感動呀！
總括今晚dinner，可能因為妹妮神經刀異常興𡚒，搞到顧得佢又顧唔到食嘢，更加無時間同honey‘融融細語’，‘馨馨我我’，‘甜甜蜜蜜’... 我哋覺得Ｄ嘢食都好似無以前咁好食，連睇煙花都好似無咁投入。其實都唔會嫌妹妮阻諚，不過我倆都覺得今年加埋妹妮好似好唔同，都開心嘅，但唔係慢慢食enjoy dinner嗰種囉。出年妹妮就兩歲，可能會定Ｄ，希望出年個晚飯可以食得舒暢Ｄ啦！
No comments:
Post a Comment