飲下茶, 食個飽

咁耐都唔記得講, 妹妮有自己既筆盒了! 話說妹妮十月開始有功課, 要畫下線咁, yaya話有d粗d既鉛筆等妹妮好揸d, 我去過好多文具店都搵唔到. 點知比yaya搵到! 於是話買個筆盒比妹妮.

點知有日佢同妹妮去學唱歌(妹妮而家參加緊choir呀)放學時去日本城買左個工具箱返黎!! 佢話有粉紅色同黃色, 居然妹妮今次自己揀左粉紅色, 唔要最鐘意既黃色喎! 無諗過筆盒會係咁大個，初初仲以為講緊我地細個時一個膠盒個D潻！不過呢個咁大既筆盒說可以裝晒妹妮D膠水，鉸剪，筆鉋。。。

呢排我地去多左飲茶, 妹妮都好鐘意飲茶架, 而家食到好多野, 除左好鐘意食腸粉外, 又會食飽, 炸雲吞, 桂花糕等.

最搞笑係一去到茶樓見到後面d結婚裝飾, 居然猛指住話個度係party!

猛話要去party玩.

無party去就拎住張紙巾當mask 逼我戴

咦, 近睇妹妮雙豆豉眼, 開始有條好隱約既線仔出左黎呀. 唔知妹妮雙眼皮個樣會變成點?

佢自己都好貪靚架, 成日照鏡, 最近仲好鐘意塗唇膏! 每日起碼搽兩, 三次! 有次準備出門口先突然話 oh i forget my lipstick, 然後跑番入房攞唇膏, 問你頂唔頂得順?

近日迷上toys story, 估唔到睇到妹妮喊晒口呀, 佢睇番第二集jessie話自己被遺棄時, 佢都喊到爸把聲! 估唔到妹妮份人咁感性. 不過佢好鐘意睇, 番睇幾多次都唔厭, 而家行過電視播緊都睇到眼定定.

上星期五至星期一(11月5至8日) 妹妮都唔駛返學, 因為學校要interview 下年的k1學生呀. 我地去同Eldora姐姐飲茶

呢間茶樓d點心都算多種類呀, 個燕窩蛋撻有好多燕窩潻呀. 妹妮自己都吞左件, 仲連海斑餃, 鮑汁騷都各食左件!

呢個芒果春卷, 得塊皮包住個芒果, 仲酸酸地, 妹妮仲食得津津有味

不過呢兜豆腐花, 滑到漏佢又居然唔食.

同Eldora姐姐影下相先. 呢個搖搖係上次生日會回禮d小禮物, 點知妹妮當佢係隻狗仔, 除左拖住佢行, 仲改左個名叫做Flobby, 好似係d圖書入面d人物名黎架. 最搞笑係佢將個搖搖擺入玩具bb車入面同阿Flobby講: Flobby, you are small, you can sit inside(架bb車), 佢真係當Flobby係竉物呀.

啱啱個星期五, 原來係孫中山先生生日, 妹妮又放假, 我地又去飲茶了!