理甲記

12。20 妹妮開始放聖誕假了，不過無咩特備節目呀。一早本來媽me約好去理甲，醒修甲姐姐成日都話想見下妹妮，於是零機一觸決定帶埋妹妮去！

途中有件搞笑事，話說我搵到個錶位泊車，點知比條死飛仔搶左，於是我開𥦬同個飛仔口角幾句便駛離現場，因趕時間去了停車場泊車。妹妮feel到氣紛有D唔妥，問我mami，where are we going? 我話去泊車呀，因為有個bad guy攞左我個parking slot。

之後佢問：Mami，do you want to KILL him?

𠲜個車位啫，唔駛殺左佢咁大件事呱？！於是硬係話NO！然後唯有話壞人都會有警察拉咁囉。

去到理甲店Gigi姐姐比D貼紙妹妮揀，妹妮二話不說就揀白雪公主

因為佢係衆多公主中揀左做白雪公主，可能因為大家都黑頭髪呱

媽me整甲時妹妮好乖無搞搞鎮，因為一早買定兩條春卷同埋畫冊上去比佢消磨時間，又有電視睇。等到另一位姐姐返黎就幫妹妮油甲喇 , 不過一見到位姐姐一頭灰髪, 妹妮忍唔住問 : 點解灰色既? 我地問咩灰色呀? 佢又識答 : 頭髮

 

姐姐幫妹妮油甲油喇, 我叫妹妮要攤開手仔, 如果唔係唔乾架. 你睇佢個樣幾認真!

 

其實都有諗過應唔應該比妹妮油甲油架, 不過諗過佢放假唔駛返學, 玩一次半次囉.

 

姐姐話好多阿太都帶埋D囡囡去玩下架. 初初姐姐第一時間拎左粉紅色甲油, 點知妹妮話鍾意green and yellow, 於是就油green & yellow啦.

 

妹妮出奇地坐定定, 因為一路睇電視嘛.

 

仲痴埋貼紙呀, 一邊王子一邊白雪公主.

 

又黃又綠直情好似 M&M咁呀, 妹妮超鍾意, 仲話 : tomorrow i paint red & brown. 臨走猛同姐姐們bye bye, 多謝姐姐免費幫佢油甲. 我地落到街去7仔增值八達通, 佢第一時間隊雙手比收銀阿姐睇, 大叫 my nails!! 去到商場攞車, 都不忘show比商場d服務員姐姐睇, 真係好鍾意呀!