大鄉里出征蘭桂芳--去畫展呀！

妹妮做功課，要畫屋企人， 已經有爸爸同媽咪，要畫埋自己。你睇佢既自畫像呀，仲畫埋yayaGigi，仲要寫埋名潻。原來佢寫個R字係先畫個圈，再加兩棟架，個E字又多左一劃。。。至於yaya個Y字，就好似DNA圖兩條蟲加埋一齊就係喇。

12月11日 帶妹妮去蘭桂芳‘蒲’ 呀！因為佢參加既art mania班係‘老蘭’搞左個畫展，展出細路仔D習作，而且仲話妹妮都有一幅被選中展出呀！

咁大陣象噃，幾遠都要去啦！妹妮好似未去過中環架，今次去蘭桂芳潻呀。

見到間gallery，仲以為係呢間就係潻！不過見咁pro就知唔係啦。

今日由停車場行到落去都一段長路，妹妮因為心情興𡚒一D都無扭抱，自己行晒。

 終於搵到喇！！

個展覽分兩層，妹妮一入到去即刻搵自己幅畫呀，逐幅走埋去睇

但係都搵唔到既。

因為我地係第一日去，無咩小朋友咋，我地好似貴賓咁

呢個就係老師係其中一個教妹妮畫畫架

噢，原來幅牆唔夠位掛用DVD播出黎呀！係妹妮自己見到自己幅畫係電視出現時指住嗌我地先知呀。老師即刻pause左比我地影相。

老實講，唔只我地，連妹妮自真係有D失望架，不過要安慰佢有得展出己經好叻叻喇！我地即刻同佢幅畫一齊影相

等佢無咁失望啦，其實幅畫雖然亂畫咁樣，不過都幾靚吖！

睇完展覽我地嗱嗱聲去食晚飯了，最後揀左去食扒

妹妮坐定定食麵包

呢間餐廳D扒應該幾好噃，有成個櫃晚鮮牛扒，要邊忽有邊忽。

爸B話lunch時呢個bar枱仲有salad bar buffet潻。

等食中。。。

塊扒同意粉都幾好味噃

妹妮無食扒，不過就食下意粉同甜品

甜品都好食呀，不過個檸檬雪芭酸到妹妮打冷震，但係佢仲再食！

呢個semifreddo 全朱古力味都好正！！

食完飯同妹妮夜遊一陣蘭桂芳

影幾張相先

返上停車場見到個雀籠，原來入面真係有雀架

眨下眼返到屋企，等𨋢時見到個裝飾有松果仲即時大叫acorn!!