話時話今年都無刻意幫妹妮買新衫過年, 不過咁蹺之下學校要著中國服時買左兩套, 便將未著的一套當新衫過年著. 跟住入面d底原來都係之前買落未著的, 加埋EE上星期新鮮熱辣帶番黎既新鞋, 就有一套新衫了!
今年都無影番張全家幅, 係睇想捉佢影張相都難!
出發喇! 今朝一早同爸b睇左'迪士尼套木蘭', 妹妮已經上晒腦郁手郁腳打工夫
今日去公公家食開年飯, 第一次用黃色手袋仔
三人行, 我同爸b似唔似跟班?
同妹妮影下相先
去到公公屋企, 不忘耍番套拳比人睇
大家睇到笑哈哈
不過有利是逗即刻收番套拳, 伸手攞左利是先.
袋袋平安後又黎過
EE & 姨丈
明星又出場喇
我地食完飯離開時經過樓下平台, 不如去影下相啦
終於影到張似樣小小既全家幅了
我地輪流捉住妹妮影相
返屋企同大肥玩一陣先
瞓個覺豬今晚有節目呀, 不過無飯食. 尖沙咀又封路, 我地去左食吉野家呀...估唔到去吉野家食開年飯呀咧!
食完飯去撘地鐵
今晚去ymca睇煙花呀, 去到見到姑媽姑姐讚妹妮對新鞋仔, 佢開心到即刻遞起隻腳比人睇.
未夠鐘又開過餐
上到roof top, 原來個天台唔係好大咋, 不過就真係最佳位置既
趁未開始我地不斷影相
個景就真係唔錯架
後面個半島酒店仲靚
放煙花喇!! 真係睇到正呀. 不過今次無影咁多煙花相了, 次次影完都唔會特別睇番. 不過今次有兔形煙花, 同 i 
hk
散場了, 因為人太多又未開路, 我地留多一陣先. 點先場地又播d小調音樂, 妹妮居然跟住d音樂跳舞!!
又打功夫
佢跟住d小調跳舞時引到幾個鬼佬駐足睇佢表演呀, 頂佢唔順
已經半個鐘都仲有一大舊黑雲散唔去, 成隻飛船一樣呀
落到街有個外藉人士戴住吹氣兔仔, 佢又咁啱見到我地影緊合照, 又走埋黎影左張相
呢幾日yayagigi都放假, 妹妮就同我地瞓, 臨瞓前爸爸就負責講故事. 妹妮好鐘意睇故仔書架, 每日最小要聽一次, 就算重覆聽完再聽都無問題架
新飯枱燈, 加埋d百合, 簡簡單單
No comments:
Post a Comment