年初三約埋班friend去ocean park, 一早買晒飛, 約好十一點集合. 點知一出香港仔隧道就見去海洋公園出口封路加大塞車, 就估到有幾迫人!
不過既然來到又買晒飛又約好晒人都照去啦, 我諗我地入到停車場最後幾個車位, 泊好車去玩了!
想入去食晏開餐, 試下新開望住魚缸間餐廳, 點知話要等兩個鐘! 我地轉去大熊貓餐廳, 話要半個鐘先有位, 於是我地鼠去睇下大熊貓同red panda
總算兩種都叫睇得到
餐廳有位了, 但係d食物貴過迪士尼, 每碟飯最小$95!!! 燒味飯, 煲仔飯, 小菜一律$95, 真係貴得離普, 仲要係自助形式唔係茶樓噃. 我諗呢度係全港最貴food court呀, 連機場都平過佢.
你睇d人多到!! 排隊去睇新的水簇館要排一個鐘, 不過今次黎最主要都想睇呢個館, 都焗住要排啦
一路排條隊都有郁, 叫做無咁辛苦
到喇!! 大概45分鐘就排完, 我地有BB車就要搭電梯
入到去同舊個間差唔多, 不過可能今日特別多人, 無得摸海星
都有好多珊瑚
館入面都係一樣逼爆人
好多魚睇, 妹妮就最開心
大概行到第三層就有大鯊魚, 成條大白鯊一樣
人群都係缸底, 望上去就見到大魚游過
妹妮指完一條又一條
行到出口就係大魚缸位喇, 不過整體感覺同舊個間比好似仲小左玻璃窗位, 無以前睇得咁多咁
尋日睇過木蘭, 今日見古裝人就以為係木蘭, 仲跟人擺手勢, 不過姐姐話佢係先子唔係木蘭呀!
之後我地去排妹妮最愛的hot air balloon, 我地排左成個鐘, 妹妮都無坐車一直跟住行都無嗌攰, 算好叻架喇...點知排左成個幾鐘後有個職員話因為太大風要暫停, 要等多半個鐘睇下d風有無轉弱, 本來排多半個鐘就到我地, 點知又要再等, 我地都係放棄了. 妹妮就好失望了
於是話比妹妮知想搭吊車過山, 但係又多人排到連隊尾都見唔到, 於是唯有迫海底纜車. 成日無瞓晏覺, 妹妮一坐返上b車就呼呼入睡了. 去到水母館都無叫醒佢呀, 睇完都嗱嗱聲由大樹灣走人. 到妹妮瞓醒我地已經係穿梭巴士返去攞車了, 佢仲問 Oli姐姐係咪去坐cable car, Oli話因為太多人所以我地去搭巴士呀.
跟住問佢今日睇左d咩, 都只係講到big shark and big fish 同panda...鬼咩, 成日都係排隊, 咩都無睇過!
我地跟住去食海鮮, 晏晝個餐就住食, 而家嚓番餐飽
朋友都話呢度d海鮮仲多過海洋公園呀!
No comments:
Post a Comment