二月十一日 雪
黎過東京N咁多次, 都未試過落雪呀! (雖然我地多數一月黎, 未試過二月訪京) 今朝一早起身居然見到雪, 算是奇景嗎?
唔知係咪尋日食得多得滯, 今朝妹妮一起身就嘔呀, 不過無發燒. 嘔完又好似無咩事咁, 比佢坐B車抖下啦. 今日要攞車去相根, 落到街個個擔遮, 因為天氣未夠零度, D雪一落到身上就變成雨點, 所以地下都濕濕的
好彩B車都有雨褸, 又擋風又擋雨
今次定了架BB, 個籠好大不過車尾箱就好細. 職員知道我地去箱根後, 話相根好多山路, 突然多了好多聲明. 又話無雪呔, 又話要呔鍊要加錢, 又聲明如果車身損傷要比多二至五萬円...好似好擔心我地會有事咁. 不過以前讀書時住在冰天雪地的美國西北都係普通呔行走天涯, 所以我地咩都無加呀.
上到車妹妮就話好攰了, 好快覺豬豬休息了. 一路行都有雨, 去到相根開始d雨變雪了!
好開心呀, 一來自己都好多年無見過雪, 二來妹妮第一次見雪呀! 一路d車都幾慢, 仲有好多車停埋一邊加呔鍊.
好彩今次有備而來買左d雙層厚褲咋! 上年去mother farm時雖然無雪但係寒風刺骨, 加上今年香港都鬼咁凍, 所以都買定呢d特厚褲比妹妮. 一落車就好好奇, 因為周圍都係雪呀!
天氣大概零度至零下一,二度, 唔算好凍咋, 所以地下都濕濕地. 小心翼翼咁行以免跣低
我地去小王子博物館
去到門口叫妹妮試下拎起d雪玩下啦
爸b又同佢掟雪球, 其實都幾好玩架, 起碼d雪白雪雪感覺好乾淨先吖
入去買飛, 要成千円一位架. 而家一千円都覺得貴呀
間博物館成座堡壘一樣
係一座好舊的歐式建築物加個大花園, 我地要行好大個圈先入到室內, 博物館起供免費遮比遊人用.
比我地搵到人揸機影全家幅!
入到館入面有個小影院介紹小王子個作者. 而館入面都主要係有關作者生平, 只係臨尾先有小王子d介紹, 所以我地好快就行晒了.
睇完又要行番出室外
妹妮唔係好鐘意d雪打上面豬既感覺, 加上又有小小唔舒服, 所以要爸b抱抱.. 佢話係 tummyache 同 headache噃.
離遠見到小王子都因為太大雪無行埋去影合照呀.
一千円就咁就玩完了, 我地去餐廳唞下先
d menu都靚過人架!
入面樓底好高架,
不過野食選擇就小d, 勝在有埋圖書比d小朋友睇
我地叫左個蛋奄列炒飯, 可惜妹妮無胃口, 一d都無食過
淨係食左細細啖雪糕
臨走再出去影多幾張相先啦, 呢個餐廳招牌幾靚幾得意噃
趁妹妮咁精神幾大影多幾張呀! 最衰求先叫左兩個set, 用晒個胃既quota, 唔係就去隔離間燒肉再食過! 原來呢一區既相根好似旅遊區咁聚晒所有美術館, 仲有好多餐廳架. 加上落雪, 氣紛就好似d ski resort咁
一上車妹妮又話頭仔唔舒服, 仲話自己有發燒, 於是去附近買了退熱貼比佢. 以前一貼就扭計要搣左佢, 今次又乖乖咁肯比我地貼噃, 仲好enjoy咁
我地決定去酒店check in hea下算了, 本來想去的登山纜車, 其他景點都因為妹妮唔舒服加上大雪懶得郁唔去了. 不用5分鐘就去到酒店, 原來酒店咁近小王子, 附近又咁多野食, 正!!
check in 中
我地間房就係第二間, 快d入去睇下先, 因為訂房時都睇過間房個樣, 唔知實物係咪一樣呢?
入到房了, 我地今次book左有private bath 既房, 可以一家大細一齊浸, 唔駛分開男女, 得爸b一個浸悶親佢.
不過係露天, 又驚會冷親呀
妹妮仲貼住退熱貼架, 不過其實就無發燒既, 扮野啫, 你睇佢幾happy!
係房入面hea下先啦, 妹妮又可以唞下, 坐呢張叮噹枱d腳伸晒入去可以保暖架, 因為枱底有暖管架.
妹妮係時候要nap nap, 爸b率先試水
跟住我又試, d 水未算好熱, 不過坐坐下個人都興興地, 上水都唔覺得凍.
隔半幅牆出面就係雪喇
妹妮覺豬我地唯有睇下電視消磨時間, 不過黎呢d地方係應該hea下, 享受下間溫泉酒店既, 如果成日出街又嘥晒個溫泉喇.
晚餐有兩輪, 因為第一輪6點好full, 我地揀了7:30. 今次呢間唔係入房食, 要出去大廳食架.
一埋位已經set好晒枱, 一坐低就有得食
主打豚肉sabu sabu, 仲有魚, 同其他細細碟既餸, 食完包你飽飽.
唔知係酒店古老定係要你relax, 居然無lan線又無wifi, 得大堂一部比阿公用, 我地食完飯又去撳下機.
出面好大雪呀, 架車都比雪冚住了. 返房後妹妮都有浸溫泉呀! 我覺得呢d in room private bath真係勁方便呀, 隨時話浸竟浸. 不過第時妹妮大個女我地都唔可以一齊浸了, 要好好把握呢幾年去多幾次先得!!
No comments:
Post a Comment