二月十四日 . 晴
今日last day了, 我地打算去上野動物園順便買下手信就走人. 一早去食讚岥烏冬
而家識用相機成日話要幫手影相, 好彩而家digital任影唔嬲, 不過尚算影得唔錯吖
今日早餐, 烏冬都係妹妮飛佛之一, 所以都食到一大碗.
食飽後向上野出發! 記得十多年前第一次去東京, 就係問朋友介紹左間係上野既民宿, 之後都番住過幾次架. 不過後來發覺每次都係留係新宿hea得最耐, 夜晚又多宵夜食, 之後我地就改住新宿了. 上野就好小再黎喇.
今次想帶妹妮去動物園, 點知未出閘就見到大大個牌寫住今日休息, 吹漲!!! 早知尋日黎上野, 今日去築地啦!!! 一場黎到都去街市逛下
上野都有好多食市呀, 仲要係平平地呢d自助碟頭飯, 今次未食過咖哩呀, 又要食番餐先得
妹妮就話要飲奶奶, 做bb, 佢成日要我地將佢包到蟲咁, 話咁樣好似bb喎.
好喇, 去到百貨即時生猛番晒, 跳黎跳去跳唔停
呢個佈景好靚, 妹妮即時走左埋去. 不過都係斎行無買野呀. 不經不覺都逛到點幾鐘, 再番新宿兜多個圈就攞行李向火車站出發
又係時候講bye bye了, 我地搭4:20火車去機場
架車同到東京時個架一模一樣, 但係就平左幾百円, 又快左十幾分鐘
好快上機了, 今次個兒童餐幾正噃, 啱晒妹妮呀! 我地都無慶祝情人節, 就係食飛機餐渡過
今次都係因為去左outlet, 買左好多千零円平衫, 收穫唔算豐富呀
妹妮都係買得好小咋. 希望下次去時d円平番d啦.
返到屋企妹妮仍然不停要幫我影相 -__-"
No comments:
Post a Comment