二月十二日. 雪
係溫泉酒店過左一晚, 一早起身妹妮幾精神! 應該無唔舒服喇呱!
即刻浸多次溫泉浴先, 今朝check out前last call, 我地幾大再浸多一陣先至執野走. 真係後悔唔book多一晚呀!!! 有d意猶未盡潻, 加上附近咁多景點都未去渾.
洗埋白白就出大廳食個早餐先, 跟住先返黎執包袱
初初以為早餐係buffet, 原來又係set好晒每人一set, 有燒魚, 飯, 同個超多料既麵豉湯
係時候要走了, 真係有d唔捨得呀
bye, 希望好快會再黎過啦.
出到去積晒雪好靚呀
而且仲不斷落緊雪, 我地check out前再玩一輪, 影一大輪相先走.
妹妮又踼又執雪, 都算玩得開心
係唔鐘意d雪打落臉仔啫
不過影相真係靚呀
咦, 有個雪人呀!
係唔知邊個砌落架, 好得意呢
終於肯走了, 出到門口仲係咁大雪, 再影多一輪相先啦
呢間酒店有個講國語既姐姐好nice好好人架, 仲成日讚妹妮可愛潻.
好喇, 影夠相就出車走人了, 今次真係走喇, 因為積雪, 架車都塞住郁唔到要工人幫手推左一陣, 個姐姐幫我地開路去都路口, 真係有賓至如歸既感覺呀, 下次都會考慮再返黎住過呀.
一路上都係大雪, 我地今日目的地並唔係觀光, 而係shopping是也!
去御殿場outlet, 去過咁多個日本 outlet, 相信御殿場係最多野買架嘞, 加上円咁貴唔買正價咪去outlet睇下有無平野執囉.
仍然落緊雪, 不過好彩妹妮又話要飲奶奶, 又話要坐b 車, 我地可以安心shopping, 無悶親佢.
去麥記食d野唞下先, 妹妮有番胃口都食左粒麥樂鷄.
無幾耐就瞓著了, 我同爸b繼續行街街, 不過唔算買好多咋
嘩! 連MMM都有鋪呀, 真係最強outlet呀, 不過d入口貨始終貴d, 所以都係睇番日本貨好d.
行都四點幾我地飛車去橫濱anapaman館. 因為妹妮成日陪我地shopping真係會悶親佢, 而且今次東京之旅又因為買唔到宮崎駿博物館而無咩小朋友活動. 所以就算anpanman館去過都去多次, 等我地無咁guilty.
不過去到泊埋車又啱啱過鐘, 入面個收費遊樂場都唔比入了. 我地唯有玩出面個d遊戲啦. 500円玩3個攤位遊戲, 仲有小禮物送!
第一個係拋圈圈
妹妮拋中, 個姐姐同佢hi five
之後就碌波波
其實都唔駛玩得叻, 只要有玩就有禮物仔
再坐埋車車
又玩埋掉魚, 今日都叫做有d節目比妹妮, 無悶親呱.
掉到個波波仲拎可以埋返屋企 (當然又係比錢玩啦)
去到鋪頭入面, 父母們都去睇精品, 細路就去晒個happy corner自己玩, 妹妮去到都自娛一番
呢兩日妹妮無咩食野, 買個包包比佢食, 希望呢d咁靚會增添食欲啦
佢揀左呢個女仔,但係妹妮叫佢做bb
之後去買衫, 聽到音樂又跳舞擺甫, 個姐姐嗌住佢先識另過去接住袋衫
接過後又繼續擺懶型甫士, 連d姐姐都笑大個口!
兩日一夜相根之旅完結了, 又返東京喇
還車後先去食晚飯, 今晚去了六歌仙, 係勁多港人同旅遊書的推介, 餐廳入面都成日聽到廣東話. 呢張相係妹妮揸機影架, 而家佢識係個芒入面見到人樣先撳制了
叫了價錢中等的 '月之宴'
任食牛扒/牛柳/牛脊肉等等, 味道真係一流!!
除左牛之外, 蝦, 帶子, 蟹腳都係任食
妹妮唔食咁多肉, 加上胃口麻麻就食了蟹肉泡飯, 但係d牛真係食唔到好多, 我地都係encore左兩, 三次就飽到想嘔, 之後仲有雪芭清下喉嚨. 不過就係咁兩位就駛左萬九円了!
返酒店途中見到有車仔拉麵, 不過真係飽到食唔落了. 條街咁凍, 食番碗麵真係暖番晒呀
今日去麵包超人館除左買左件衫仲買左妹妮成日話要chop chop既印仔呀
No comments:
Post a Comment