Ocean Park

8月26日，下晝約左妹妮同爸B去海洋公園，點知等車途中有客call back，唯有死返公司啦。妹妮同爸B去先，我後join囉。

對上一次去海洋公園係農曆新年年初三，個次迫到爆，所有野都要排一個鐘以上！所以去左成日其實只係睇左新水簇館，睇左大熊貓，同水母館。

上次妹妮連水母館個part都瞓著左，瞓醒時已經搭緊shuttle bus返正門。佢仲問Oli姐姐我地係咪去坐cable car，Oli話太多人坐唔到呀，之後問妹妮個日係ocean park做左d 咩？佢淨係話睇左shark and panda...聽到都覺得好可憐呀

今次爸B帶佢黎，一樣咁多人，一樣排一個鐘以上先玩到！！

不過搭到cable car已經比上次好了！！

佢地今次約埋表弟去

咪睇佢笑得咁開心，原來佢後來話我知佢搭纜車時有驚驚架，因為咁高喎！

今次仲睇埋海洋劇場潻！妹妮同親爹D合照都笑得零捨冧

我自己好鐘意呢張！

同表弟差一歲2個月，但size上差好遠咁呀

同埋水母館呀！！我地之前黎過兩次海洋公園，兩次去水母館時妹妮都咁繞瞓左覺。以前坐住B車佢話瞓就瞓，今次都係第一次無B車要佢全程自己行咋！

第一次睇真既jelly fish，勁開心！

呢幅相都好鐘意呀，不過頭髮亂了

妹妮話我知佢同爸B都係cable car上換衫？我問點解呀？佢話佢地兩個都臭硼硼喎

兒童樂園呢面今次第一次黎咋

坐完殺人鯨仲坐埋Nemo

玩到6點就走人，不過今次妹妮話好好玩！！

勁開心！

我最後無入場呀，因為去到半路爸B話咩都要排長龍，無野玩，無謂嘥幾百蚊入場啦。於是我去左海怡工貿行outlet，之後join埋一齊食晚飯咋。

行行下發現兩個原來父女裝架，都係紫top加綠褲，不過一個上深下淺，一個上淺下深（色）！