妹妮的大朋友

話說有一晚睇到Olay廣告，妹妮就爆左句好耐無見Oli姐姐， 於是我地又約出來食buffet。

11月6日 一早要去公司活動， 爸B就帶妹妮去行下街街先



兩父女拍拖去海港城，趁未太多人影下聖誕裝飾。唔知點解影親相都扭頭扭髻 ﹣＿＿﹣“




妹妮D記性愈來愈好！晏晝都記得爸B同佢一齊叫人幫手影左兩張相，一張橫一張直



當然主要係爸B幫佢影啦



下晝爸B將妹妮交比Oli姐姐，自行返屋企，我就去酒店匯合。我去到時妹妮已經唔出聲密密食了，仲同Vikki姐姐出去攞野食潻



而家4歲開始要比＄，好彩妹妮夠大食都無嘥錢，食番夠本！



仲有玩番夠本！狂食朱古力噴泉。。。其實食左幾串啫



隔離位Oli姐姐好細心，每人整左一包曲奇比我地，妹妮個包D曲奇係細塊D架，mini size! 妹妮返到屋企已經一口氣食晒D曲奇了！



跟住我地梗係去影下反斗奇兵啦！！今年呢個佈置好靚呀，雖然好似唔係好關聖誕事，不過夠晒豐富。



仲有John哥哥同芝姐姐



梗係要同Oli姐姐影相啦，話晒Oli姐姐都睇住妹妮大，由BB見到佢而家都4歲喇。而家Oli姐姐都畢業了，出黎搵野做有正識，唔駛再係我舊公司返part-time，星期六，日都變得好悠閒了。



唔知今次係發呆定係扮COOL呢？



又唔似發牛逗吖，識笑既！



我都要影番張三眼仔聖誕樹呀！



到獨照時又mook咀喇，係咪懶有型扮cool呀？？？



我地行行下見到Ernie同妹妮最鐘意既Tino哥哥呀！！佢地係車展做緊野呀，以前我都同佢地一齊博鬥，而家睇住佢地忙，有D怪怪地既感覺潻。連Oli姐姐都因為啱啱開始唔駛再返part time, 都係咁話，有同感呀



妹妮唔知點解好冧Tino哥哥架，你睇笑到幾開心！？



好嘞，又到𡃁模時間，有朝yaya幫妹妮扮靚靚（啱晒呢個貪靚鬼！）見佢咁靚話幫佢影相，妹妮即時扭腰扭手擺甫士！

唔知點解雙手好似‘咬柴’咁，呢D甫士真騎呢



仲遞埋腳潻！想點？



影影下佢突然間走去房門口扮裝出黎！我諗係想扮番上次影個輯相呀！（最底個張）