星期日大浪灣

等左好耐又到星期日了！！今次我地一早起身去沙灘，已經8點鬆D到，但係石澳車位已經爆滿！ 我地即刻踩行油轉去大浪灣，妹妮好細個，仲返緊playgroup已經黎過大浪灣fieldtrip 架，我地之後都有黎過，不過都成兩年無黎。其實大浪灣錶位都滿，得番幾個斜路上單邊位，都好過無！



安置好架車就可以慢慢黎，食左早餐先



以前都無買過呢D桶set，只有幾個鏟，今次順便買套黎玩下，妹妮勁開心！



只係8：30，茶餐廳都坐滿人了！！



妹妮未食早餐餓到托晒頭， 果然係肚餓架，碗麵一到自己可以隊晒大半碗！



落灘了



其實又唔算好多人，但係點解咁多車呢？



租左把傘，但係要自己插，好快就set好了



爸B插好左點知大風一吹就冧，妹妮仍然自顧自坐係度食薯片。後面個男人忍唔住走上前教爸B點插把車，原來要好似磨豆漿咁搞支傘抦先至插得隱架。

擦好太陽油就出海了！！



呢個水泡都有幾年了！攞番出黎而家啱妹妮坐喇



妹妮今年叫做‘識游水’，更加大膽，見到大浪都唔怕。舊年一見到有浪佢就大叫 “大海水‘呀！！！ 今年識叫 ‘大浪’



呢個鏡頭好搞笑，一望番去沙灘果邊，就見到一群人向住我地出發咁，應該係滑浪班呀。



幾梳孚



上岸小休一陣，可以用下個新桶！



呢日天氣好好，藍天白雲，超正呀！



成輯相都係用去蘇梅時買既水底相機影，原來架機仲有小小花臣玩架。類似 macro mode



又有微縮模型較果，幾得意架



我地不斷上岸，落水



再吹埋上年買呢個浮床，妹妮可以當船坐， 比求先個水泡坐得更舒服呀！




傻豬仲扮鬼扮怪！



我地足足玩左3個幾鐘，回程時妹妮放晒電，上車無耐就瞓著了！走既時候先十二點幾咋，仲有成日用呀。間中去下海灘玩游個早水真係將開心呀！