單車樂

妹妮開始正式放暑假，而家但晝開始得閒，呢日就約左行行去單車公園踩單車，妹妮一聽到有得出街玩不知幾開心！都無約過行行玩一排了，大家都要返學，返學前後又有興趣班，weekday都好難有時間出來，難得而家放暑假可以出來玩下。



我地成5點先去到單車公園，諗住應該無咁晒，點知仲係好熱呀。妹妮一見到單車公園D斜路就記得之前同爸B黎過，話D斜路踩唔到架。



行行架BMX好似好易踩咁呀，妹妮架車好實唔係易踩架



於是我地去公園內單車鋪幫妹妮架車唧下油希望會好D啦！個哥哥仲幫妹妮較高埋個位，可能呢架車已經唔啱妹妮坐了



同行行交換踩一陣，妹妮都覺得行行架車好踩好多呀！



兩個好似研究緊架單車咁呀



踩左一陣換番架車先



妹妮仲試埋行行個頭盔太大了，行行媽咪話係大人size黎架



都係繼續踩單車啦，但係唧完油個腳踏都係好實，所以妹妮踩得慢D囉



不過都無放棄繼續踩，都值得一讚呀



有朋友一齊踩單車係開心過自己一個踩既



行行叫妹妮踩快D啦，但係妹妮話：我架車難踩D架



但係真係太熱，我地無踩都大汗滴細汗！踩左一個鐘就走人了，希望好快再約過出黎玩啦！