熱沙浴

趁而家暑假，有時間都想陪妹妮玩下，唔係佢唔駛返學真係好悶架！

7月29日 星期日，我地又去游早水，都係因為妹妮6點就起左身囉！想飲茶都要等茶樓開門（我地去開商場果D都成9點先開架！），於是拉埋爸B一早出征去海灘。8 點鐘到，成個石澳都已經泊爆停車場，轉去大浪灣，車位都被好多morning drive既靚車泊晒。



例牌食早餐先落水



呢日個天幾靚！！租埋太陽遮先



經過上次有人教過之後，今次爸B輕易就將把遮鑽入沙入面



雖然大清早，但係都已經好熱，即刻跳落解下熱



游完水玩下沙



爸B幫妹妮做沙浴，叫妹妮瞓低，但係妹妮好驚唔肯瞓。妹妮驚到喊架！！



不過爸B tum下佢，又好似無咁驚，肯乖乖地瞓低



其實都唔係咁驚啫， 冚晒成個下身



仲倒埋沙模潻



爸B見佢唔驚，玩激D，幫佢埋晒成個身



妹妮好似已經唔驚了其實好無聊架！！



落水沖沖身又唞下食下，黎沙灘就係要hea下吖嘛！！



又再落水



返上水時被妹妮發現左一個無人玩既沙池，仲有水係入面潻，即刻坐入去玩！



其實11點幾既太陽都幾晒了，我地都係呢番係遮下低好D，妹妮已經成舊朱古力咁了，要幫佢防下晒呀。



玩到十二點又係時候走人了，太陽會伯伯好晒呀！玩左一朝，其實妹妮已經放晒電，同上次一樣，妹妮一上車就即刻瞓著， ‘好彩’呢日塞車，返到屋企啱啱好瞓足一個鐘呀！