十號風

7月23日，尋日去完Dathan生日會，聽家長話呢兩日可能打風，我地個暑期班得短短兩個星期又會放假，真係蝕晒！今朝一起身已經3號風球，妹妮十成都唔駛返學，難得興趣班仲開！每次放學妹妮都要去街市買豆腐花，其實第一次買我都叫佢自己開口同老板講，而家買慣更加唔怕醜。行到埋檔口會大聲問：有無豆腐花賣呀？ （因為有時我地太早未整好架）

暑期班無學返， 見yayaGigi之前比左兩張嘉禾戲飛我地，不如就今日帶妹妮去睇戲啦。我地兩個去左睇冰河世紀（ice age 4)， 跟住再帶埋妹妮去修甲，其實本來想掉低妹妮返屋企先，但係佢聽到我同修甲姐姐講電話就話要跟住去。我地搞到成5點鐘，8號風掛先返屋企呀，好彩有揸車，唔駛同人迫咋！

妹妮今次隻隻指甲都黐晒公主呀！佢勁鐘意呀

第二朝起身先知夜晚原來仲掛埋9號同10號風球呀！！！ 對上一次10號風球原來不經不覺成13年前了，仲記得當年連續打左兩個10號風，我同EE，舅父仲住緊公公屋企，半夜起身見到個客廳濕左一大半，原來係𥦬口老化入水呀！今朝聽到10號風即刻令我諗起唔知公公同舅父德尋晚有無覺瞓呢？

24日既8號風掛左一陣就話要開工，10點已經話兩個鐘後落波， 我同妹妮車左爸B去太古飲埋茶先返工！前面佈滿障外物呀

你睇妹妮鐘意戴到成頭都係頭飾

但係用紙巾畫既畫都幾靚噃



爸B話太古城有個航天展覽，順便睇埋啦



原來有好多都係實物黎架，有太空人食品，太空人厠所實物潻呀


妹妮返到係屋企無野做，比D任務佢做，砌生果盤呀！！ 砌得咁靚梗係有圖案參考啦，係yaya同佢一齊砌架。

我地返到屋企見到實物，都幾靚噃！妹妮仲好proud潻



其實又點只可以砌到一幅圖咁簡單？ 可以變出好多形狀架






最後梗係比爸B一路砌一路食啦！