小綠帽

7月27日，眨下眼兩個星期既暑假班又到最後一日了，last day唔駛著校服，學校指示要用家裏物件設計服飾。。。類似廢物利用，但又唔駛真係廢物，例如錫紙做魔術捧之類，真係難為了家長！！諗極都唔覺得有D咩可以癈物利用。

於是去＄10店買左D廚房用不織布，玩完仲可以用來抺廚房，而且夠柔軟，啱晒做衫用！我地既主題係小紅帽，但係妹妮揀左綠色布，變左小綠帽。



yayaGigi正諗緊用咩做個手抽籃，妹妮提議用個cereal盒啦！於是就剪左個紙盒做滕籃，妹妮都有份剪，叫做有參與呢個'project‘

仲好落力幫手貼膠紙潻



其實前一晚yaya已經開始幫妹妮手縫條小綠帽既主角﹣﹣＞圍裙，妹妮入到房見yayaGigi挑燈幫佢縫圍裙，竟然扁扁咀好似想喊咁。問佢係咪好感動呀？佢點晒頭呀，真係好感性唧！



個籃又出奇地夠力，索性將餐具放晒入去，仲有道具提子同蛋糕潻



著起套小綠帽，妹妮好鐘意呀！！當正自己真係小綠帽一樣呀，不斷擺甫士比我影相！



其實睇睇下又有小小似日本打掃婦人呀



不過梗係話佢似小綠帽，妹妮開心好多啦！



開心返學了，出門口時都要擺甫士影番張

落到樓下見到等樓車小朋友，人地就扮仙子



呢日去接妹妮放學，見佢係課室時將頭巾除左，唔知同學知唔知佢係扮小綠帽呢？