小廚神

今次呢篇好update! 尋日架咋 （8月5日）呢日有個節目比妹妮，佢知道呢日會見到Sana同JJ一齊玩，已經好期待，一早爸B話帶佢去公園做運動都唔去，要同Sana 同JJ玩喎。我地一早去食左早餐先，去左深水埗食豬膶米，妹妮就食奶油多。



平時我都唔食內臟，不過豬膶係可以接受食到既一種



9：40已經去到Elements，見到D佈置咁靚影下相先



影影下相見JJ行過，我地一齊向酒店出發



呢日節目就係去做小廚師呀！！我地上到'最高'學府102樓學煮野食呀



Sana 都到左，我地3個最早到，經理幫佢地戴好圍裙先



唔只圍裙仲有廚師帽架, Sana同妹妮一見面就糖黐豆一樣



唔係攬住就蹺住手



JJ被冷落了，不過都影到合照



埋位先，呢日有10位小朋友一齊做小廚師架。見到枱面的材料好似係整蝦餃咁噃



兩個猛研究圍裙上既貼紙



哦，原來寫住 I am VIK (唔係VIP呀）



開始前玩一輪先



好喇，大師傳埋位了！大家要留心聽



師傳做示範，呢日我地要做炸雲吞，由開皮開始做起。但係師傳既講解D步驟可能大人先聽得明



不過D小朋友都好專心聽架，我聽完後覺得都係大人整多D



師傳示範緊點樣將D水溝埋麵粉



變做粉團



搓下搓下好似玩泥膠其實都幾啱細路仔玩既



當師傳問有無人想出黎試下呀？我即刻叫妹妮舉手試啦，點知佢聽到Sana話唔試喇，佢又即刻跟住話唔試。其實點先可以瞓練佢唔好咩都跟人地？有D自己主見？我覺得妹妮係對自己既意見無信心，所以聽到人地點就點。後來經我地幾個媽咪又叫又拉佢地兩個先行出黎。



好喇，自己返埋位正式開始了，由溝漿開始都要自己一手一腳做架。首先在麵粉上逐小逐小加水，加到可以搓均變粉團



好多家長都有幫手，我見有師傳幫妹妮所好繼續影下相



呢個係好明顯係個發夢樣



回魂了，開始碌粉團



Sana 都做到呢個部驟了



JJ 同媽咪都做得差不多



將粉團碌成一條，再切成細細粒



每粒再碌成一塊簿簿的雲吞皮



大家都好比心機做噃




呢碟就係妹妮親手碌



原來碌完D皮全部唔要架，因為會再派D一早準備好既靚靚粉團比我地再碌過D雲吞皮，但總算叫由頭到尾既部驟都試過。而家用師傳整既粉團碌成簿皮



再加料入去包成餃子，之後對摺再用’膠水‘（粉漿）將兩角黐埋就得喇。原來都好簡單，比初初聽師傳講時容易好多咁，妹妮大部份都係自己做，我幫左好小咋。



平時妹妮都好鐘意食餃子架，而家學識包餃第時可以自己包黎食喇



包得七七八八了，每人果碟都有label，一陣自己食番架



整好晒出去洗洗手

洗完手返黎我地D裝成品已經炸好了



妹妮第一碟自己下廚既食物呀！！！



幾大都要影相留念呀



Sana包果D雲吞粒粒都圓碌碌架



同師傳影返張合照先，總算大功告成！



兩個小廚師，猛話好想食自己整既雲吞， 但係媽咪們點都要影晒相先得



好喇，食得喇！！



妹妮大大啖嘆自己既成果



Sana都係呀，其實又真係整得幾好食架！！



JJ果碟最後先出，但係佢地包得最靚噃！



今日呢堂就完了，每人仲有証書攞架！



之後再去103樓食buffet，我地被安排兩張枱，兩個當果度係自己屋企一樣！



兩妹子直情想自己出去夾野食



JJ媽咪安頓好小朋友後，小朋友自己一張枱食野



唔知第時大個會唔會三個又約埋去食buffet呢？



D甜品好精美呀



妹妮好叻，食晒媽me夾比佢碟主菜，連平時唔食既沙律菜都食埋。甜品係佢強項，每次食buffet佢都食好多甜品架




終於有機會影到張大合照了！！



我地係餐廳到hea到成2：30！



落到樓下商場影多陣相就返屋企了



好鐘意呢張好似兩個小model影雜誌相咁呀！無教佢地但係自動波一個坐一個企，勁！！



JJ加入，三個小𡃁模



今日妹妮真係盡興，返到屋企後瞓晏覺，一上床佢即刻合埋眼，三聲內瞓著左！！一定係玩到放晒電啦